Düşämbe könne xökümätneñ prezidium utırışı buldı. Yañadan raslanğan ministrlarnıñ urınbasarları bilgelänä başladı. İqtisat, finans, awıl xucalığı ministrlığında urınbasarlar nigezdä elekkeçä. Şulay da üzgäreşlär bar. Yaña bilgelängän elemtä ministrnıñ urınbasarları kübräk yañarğan. Ä mädäniät ministrınıñ 4 urınbasarı urınına 3 kenä urınbasar qala. Berençe urınbasar yañadan Rafael Wäliev, sänğät buyınça urınbasar itep Ayrat Cäpparov bilgelände. Ä menä tağın ber urınbasar bötenläy kötelmägän keşe. Ul “Efir” telekanalında Respublika tapşıruların alıp barğan häm soñğı yıllarda Qazanda Şüräle parkın tözegän eşquar häm jurnalist Andrey Kuzmin. Mädäniät ministrlığınıñ apparatında eşläwçelär sanı şaqtıy ğına arta ikän. Qazannıñ 1000-yıllığın ütkärergä äzerlängändä, mömkin bulğan qädär totrıqlı itep çinovniklarnıñ urınnarın alıştırmıyça eşlätüne kiräk tapqannar, dip sanıy täcribäle ekspertlar.
Rimzil Wäli
