Accessibility links

Кайнар хәбәр

Bill Clinton Guantanamo törmäsen yä yabarğa yä çistartırğa çaqıra


AQŞnıñ elekke prezidentı Bill Clinton terrorçılıqta şiklänelüçe çit il watandaşları yabıp totıla torğan Guantanamo törmäsen yä yabarğa yä çistartırğa çaqırdı. Bügen Financial Times gazetında basılğan interviewda Clinton totqınnarnı cäberläw yamanatı Ğiraqtağı häm Äfğänstandağı Amerikan häm koalitsiä soldatlarına yanawçı qurqınıçlarnı arttıra dide. Moñarçı AQŞnıñ elekke prezidentı Jimmy Carter belän senator Joseph Biden da Guantanamonı yä yabarğa, yä andağı ğämällärne nıqlap tikşerergä çaqırğa ide. Guantamo törmäsenä 500 läp keşe yabılğan. Alarnıñ küpçelege Äfğänstanda totılğan. Anda bulğan elekke totqınnar üzläreneñ yä törle cäberläwlärgä, yä azaplawlarğa duçar bulğanlıqların beldergän ide. Kiçä AQŞ däwlät sekretare Condoleezza Rice Guantanamodağı totqınnarğa xalıqara qanunnarğa turı kilgän mönäsäbät kürsätelä dide.
XS
SM
MD
LG