Küwäyttä säyäsi xoquqlar öçen 40 yıl barğan köräştän soñ berniçä atna elek kenä xatın qızlarğa tawış birü röxsät itelgän ide.
äl-Möbäräkneñ parlament äğzası bularaq ant birüenä häm tigez xoquqlarğa riza bulmağan parlament äğzaları protest belderep östäl qaqtı.
Quşma Ştatlarda belem alğan säyäsi fännär uqıtuçısı äl-Möbäräk 12-nçe iyündä planlaştıru häm administrativ tärräqiät ministrı itep bilgelände. Küwäyttäge qanun nigezendä ministrlar küp kenä mäs'älälärdä tawış birä alu xoquqı belän parlamentqa da kerä.
Äl-Möbäräk bu kön Küwäyt xatın qızları öçen bik tä danlıqlıq kön dide.
Küwäyt xatın qızları kiläse yılda ütäçäk parlament saylawlarında berençe märtäbä tawış birü xoquqınnan faydalana alaçaq.
