Rusiä Meksikağa sıyıqça gaz satarğa cıyına

Rusiä häm Meksika prezidentları Vladimir Putin belän Vicente Fox Rusiäneñ Meksikanı sıyıqça gaz belän tä'min itü planı turında söyläşte. Gaz Rusiäneñ Yıqar Könçığışınnan cibäreläçäk. Bügen Putin Mäskäwdä bolay dide.

AUDİO: Bezneñ sıyıqça gaz Saxalinnan Meksika yarlarına kitereläçäk, anıñ ber öleşe sezneñ ildä qalaçaq. Başqa proyektlar, şul isäptän maşina yasaw ölkäsenä qarağannarı da bar.

Elekke sovet respublikaları belän käsepçelek elemtälären cayğa salu säfären yörüçe Meksika prezidentı Fox Mäskäwdä düşämbe könne Ukrainadan kilde.