Ğiraqnıñ bärep töşerelgän häm törmägä yabılğan elekke prezidentı Säddam Xösäinne saqlawçı amerikan soldatları äytüençä, Säddam alarğa AQŞ prezidentı George Bush belän söyläşergä häm anıñ belän tatulaşırğa teläwen beldergän.
Soldatlar Amerikada çığuçı GQ jurnalına Säddam Bush häm anıñ atası elekke prezident George Bush yaxşı tügel dip äytte digännär. Säddam Bush mindä berni bulmawın, bernindi küpläp üterü qoralları bulmawın belä, ul alarnı berqayçan da tapmıyaçağın belä dip äytkän.
Saqçılar äytüençä, Säddam Amerikanıñ elekke prezidentı Ronald Reagan turında yaxşı süzlär äytep 1980-nçe 88-nçe yıllarda xakimiättä bulğanda İran belän suğışuçı Ğiraqqa Reagannıñ niçek itep oçqıçlar häm boralaqlar satuı turında söylägän.
