Accessibility links

Кайнар хәбәр

Äfğänstanda Taliban partizannarı belän Äfğän häm AQŞ xärbi köçläre arasında qızu atışlar bara


AQŞ xärbiläre häm Äfğän räsmiläre äytüençä, bügen ul köçlär xärbi oçqıçlar yardämendä Äfğänstannıñ könyaq-könbatışında kimendä 60 taliban partizanın ütergän. Bu soñğı aylardağı iñ qatı bäreleşlär. Ul bäreleşlärdä Äfğän iminlek köçläreneñ 6 äğzası häm 5 amerikan soldatı da hälak bulğan dielä. Xärbilär şulay uq Äfğän köçläre 30 Taliban suğışçısın qulğa aldı di. Bu bäreleşlär partizannar yäşerengän urınnarnı yuq itü maqsatındağı Catania dip atalğan xärbi operatsiäneñ ber öleşe dielä. Bäreleşlär başqala Qabuldan 400-läp çaqrım könyaq-könbatıştağı rayon üzäge Mian Nişinda bara. Bu şähär uzğan atnada partizannar qulına küçte häm sişämbe könne xökümät köçläre tarafınnan yawlap alındı. Äfğän generalı Sälim Xan bügen üterelgän Taliban suğışçıları Mian Nişinnan bärep çığarılğan törkemnän ide dide.
XS
SM
MD
LG