17 iyündä Peterburgnıñ Üzäk kürgäzmälär zalında başqalabıznıñ meñ yıllığına bağışlanğan “Nurlı Qazan”-“Luçezarnaya Qazan” digän kürgäzmä açıldı. Kürgäzmäne Peterburg mädäniät komitetı räise, Rusiäneñ xalıq artistı Niqolay Burov açtı.Niqolay Burov Peterburgnıñ 300 yıllığın bäyräm itkändä Qazannıñ role turında äytep ütte . Bez dä burıçlı bulıp qalmabız: meñ yıllıqqa Qazanğa Peterburg uramın, yäğni, stil'läşkän genä bulsa da, Peterburgnıñ ber öleşen büläk itäçäkbez, dip wäğdä itte.Kürgäzmädäge Qazan küreneşlären kürgäç, nigä soñ äle minem anda küptän bulğanım yuq , dip oftandı Niqolay Burov.
Mädäniät ministrı urınbasarı Rafael .Väliev, Tatarstannıñ Peterburgtağı daimi wäkile Şamil Äxmätşin, Tatarstan rässamnar berlege räise Abrek Abzgil'din ike şähärneñ mädäniät ölkäsendäge xezmättäşlege turında söylädelär, ike şähär öçen dä zur ähämiätkä iä bulğan kürgäzmä açılu belän qotladılar Qazan,Peterburg muzeylarınnan, arxivlarınnan alınğan bixisap eksponatlar tamaşaçığa tatar xalqınıñ tarixı, könküreşe, mädäniäte belän tanışırğa mömkinçelek birä .Kürgäzmägä ike şähärneñ rässamnarınıñ ğına da 200 läp eşe quyılğan. Belgeçlärneñ fikere belän dä tanışıyq.Qazan qunağı , sänğät fännäre kandidatı Rauza Soltanova., Tatarstan rässamnar berlege räise Abrek Abzgil'din, Peterburgta Sänğät Akademiäsen tämamlağan Qazan rässamı Zöfär Ğimayıvnıñ fikerläre belän radio tıñlawçılar tanışa alalar
19 iyündä şuşı muzey-ara kürgäzmädä Roza xanım Guşçina citäklägän “Aq qalfaq”ansamble zur konsert birde.Tamaşaçı xalqıbız sänğäten qarap qına tügel, tıñlap ta läzzätlänä aldı. Kem genä bitaraf qalır ikän tatar-başqort cırların bii-bii başqarğan şuq malay Xaris İdrisovnı kürep!
Kürgäzmäneñ maqsatı-Peterburgta yäşäwçelärne tatar xalqınıñ tarixı, mädäniäte, küpqırlı sänğäte belän tanıştıru ide. Peterburg skul'ptorı Radik Şirğalinnı tıñlağaç, kürgäzmä üzeneñ maqsatına ireşkänlekkä şik qalmıy.
Kürgäzmä 1 iyüngä qädär däwam itäçäk. Ä inde berençe iyündä Peterburg konservatoriäse studentları qatnaşlığındağı tatar klassik muzıkası konsertı belän kürgäzmä eşen tämamlayaçaq.
Tağın ber mädäniät yañalığı.
Şuşı könnärdä Peterburgta “Poslanie k çeloveku”dip atalğan xalıqara kinofestival' bara. Anda 57 ildän 1100 dokumental', qısqa metrajlı, mul'tiplikatsion fil'm täqdim itelgän ide. Şul 1100 fil'm arasınnan 54 te saylap alındı.
Şunısı şatlıqlı, bu xalıqara ähämiätkä iä çaradan millättäşlärebez dä çittä qalmağan. Festival'ne oyıştıruçılar arasında Röstäm Bikkininnı, qatnaşuçılardan operator Fayz Qamalnı äytergä kiräk.Fayz Qamal bu festival'dä üzeneñ rejisser Waleri Naumov belän eşlägän “Baqa yafrağı”-“Podorojnik”dokumental' fil'mı belän qatnaşa.
Gölzadä Kamalova, Sankt-Peterburg
