Britaniä premyer ministrı Tony Blair Ğiraqta totrıqlılıq urnaştıru öçen Britaniäneñ häm anıñ berektäşläreneñ andağı ğisyançılar belän oçraşular ütkärüe bik dä faydalı dide. Blair monı Londonda Ğiraq premyer ministrı İbrahim äl-Cäğfäri belän oçraşu aldınnan äytte. Yäkşämbe könne AQŞ saqlanu ministrı Donal'd Rumsfeld AQŞ räsmiläre ğisyançılar belän oçraştı digän ide.
Bügen Ğiraq başqalasınnan 40 çaqrımlap tönyaqtaraq Mişahda şähäre yanında Quşma Ştatlarnıñ Apache boralağı töşep cimerelde, boralaqtağı 2 oçuçı da hälak buldı.
Hälakät säbäbe äytelmi
Bügen biredä yulğa quyılğan bomba 2 sivil ğiraqlını üterde. Rayon şurası äğzası Xaris än-Niimi şartlaw turında bolarnı bedlerde.
AUDİO: Bügen irtänge tuğızınçı yartılarda, öy yanında utırğanda bez köçle şartlaw tawışı işettek. Bez şartlaw urının qararğa kittek häm tetelgän maşina, anıñ eçendä ike qorban kürdek. Bezneñ sorawğa uramda beton plitä artına yäşerelgän bomba şartladı didelär.
Bügen 2 kön yabılıp torğan Bağdad hawa alanı yañadan açıldı. Hawa alanı xökümät belän Londonda urnaşqan iminlek şirkäte arasında kileşügä bäyle bäxäs säbäple yabılğan ide.
AUDİO: Bügen irtänge tuğızınçı yartılarda, öy yanında utırğanda bez köçle şartlaw tawışı işettek. Bez şartlaw urının qararğa kittek häm tetelgän maşina, anıñ eçendä ike qorban kürdek. Bezneñ sorawğa uramda beton plitä artına yäşerelgän bomba şartladı didelär.
Bügen 2 kön yabılıp torğan Bağdad hawa alanı yañadan açıldı. Hawa alanı xökümät belän Londonda urnaşqan iminlek şirkäte arasında kileşügä bäyle bäxäs säbäple yabılğan ide.
