Accessibility links

Кайнар хәбәр

Peterburgta sabantuy


26 nçı iyündä sabantuy aldınnan töne buyı yañğır yawsa da ,Peterburg xalqı yaratqan bäyrämen ütkärä aldı. Äytergä kiräk, bäyräm bik küp keşe qatnaşlığında, bik yaxşı uzdı.

İke säxnädä Tatarstan, Başkorostan artistları, üzebezneñ üzeşçännär kön ozını konsert birdelär.Sabantuyğa cıyılğan xalıq Yar Çallılar alıp kilgän tatar awılı belän tanışa aldılar. Qoyılar, stil'läşkän cil tegermännäre, çitän totılğan işek alları ölkän yäştägelärgä balalıq yılların, tuğan awılların xäterlätsä, şähärdä tuıp-üskän yäşlärgä iğtibarğa layıq ekzotika bulıp kürengänder. Mäydannıñ bu öleşendä”Çallı ikmäge” şirkäte citeştergän niğmätlärdän awız itärgä, satıp alırğa mömkin ide.”Çallı ikmäge”kibete direktorı Räfıyk Xäliullin söyli (audio)Çallı konditerlarınıñ “Qalfaq”, “Käläpüş”, “Qazan kremle” tortlarına da ozaq xäyran qalıp tordı xalıq.

Başqortstan Piter sabantuyına eçe qul eşläre, sänğät äsärläre belän bizälgän tirmä cibärgän ide häm, älbättä inde, başqort balı. Bäyäläre bik arzan bulmasa da, satıp aluçılarda qıtlıq yuq, di Saniä xanım Guşçina(audio)

Sabantuynıñ tantanalı öleşen Peterburg Cämiğ mäçeteneñ imam xatibı Cäfir xäzrät Ponçaev açtı.(audio)

Leningrad ölkäse gubernatorı Valeri Serdyukov, qotlawlardan soñ, kiläse sabantuyğa tatarça yäisä başqortça öyränergä wäğdä itte. Ä inde Peterburg gubernatorı Valentina Matvienko xalıqnı tatarça sälämläde häm qotladı (audio)

Tabiğat, cirdä kem xuca ikänlegen iskä töşerep, waqıt- waqıt yañğır cibärgäläp torsa da, xalıqnıñ käyefen boza almadı, cır-biyu, uyınnar kiçkä qädär däwam itte. Bäygelärdä ciñüçelärgä büläklär dä mul ğına ide.Misalğa, köräş batırına “zakonlı“ täkä häm Hyunday Elantra markalı ciñel maşina..

“Azatlıq” radiosın daimi tıñlap baruçılar, bälki, xäterlider, ütkän yıl Ğomär Gazetdinov digän ber millättäşebez garmunın asıp bağana başına mengän ide.”Bağana başında räxätlänep ber garmun uynarğa digän xıyalım bar ide, bıyıl uynıy almadım, kiläse sabantuyda barıber uynıym min anı,-dip vägdä itkän ide ul. Wäğdäsen çınlap ta ütäde. Bağana başına menep, cırlıy- cırlıy garmunın uynap töşte. Qızğanıç, sezgä tıñlata almıym, ike säxnädäge köçle dinamiklar Ğömärneñ uynawın yazdırırğa mömkinçelek birmäde.Anıñ qarawı, Ğömär Gazetdinov belän äñgämäne işetä alasız(audio)

Äytergä kiräk, bäyräm bik yaxşı oyıştırılğan ide. Tuqlanu, bädräf, çüp salu, qul yuu urınnarı, östäl-utırğıçlar, aşığıç yärdäm -berse dä istän çığarılmağan. Bu inde, berençe çiratta, “Peterburg sabantuyı”fondınıñ prezidentı İrek Galiev häm anıñ yärdämçeläre xezmäte .İrek Ğaliewnıñ xezmätenä Tatarstan xökümäte dä yuğarı bäya birde :respublikanıñ mädäniät ministrı Zilä Väliewa aña qimmätle büläk tapşırdı.

Zilä Väliewa “Azatlıq”radiosı tıñlawçılarına da berniçä süz äytte.

Gölzadä Kamalova, Sankt-Peterburg

XS
SM
MD
LG