Livan parlamentı Süriä yaqlı parlament räise Näbi Berrine yañadan şul wazıyfağa saylap quydı. Berri inde 1992-nçe yıldan birle Livan parlamentında räislek itä. Şığıy Berri Hizbulla törkeme belän berektäşlektä bulğan Ämäl partiäse citäkçese. 128 urınlı parlamentta Ämäl belän Hizbulla ikese bergä 35 tawışqa iä.
4 öleştän torğan Livan saylawları 19-nçe yündä tämamlandı. Bu saylawlar April ayında Livannan Süriä ğäskärlären çığaru räsmi räweştä tämamlanıp, 30 yıl çaması däwam itkän Süriä okupatsiäse betkännän soñ ütkärelgän berençe saylawlar buldı.
May-iyün aylarında ütkän bu saylawlarda Süriägä qarşı köçlär uñışqa ireşte. Ämma parlamentta bügen ütkän tawış birüdä Ämäl belän Hizbulla küpçelek tawışlarnıñ Berri öçen birelüenä ireşte. 128 urınlı parlamentta Berri 90 tawış cıydı.
