Şul uq waqıtta Möşärräf bu qızğa ildän citkä kitüne tıyuçı elekke qararınnan da kire almadı.
Kiçä Paqstannıñ yuğarı mäxkamäse Mainı köçläwdä ğäyeplänüçe 13 keşene yañadan qulğa alırğa färman birde.
2002-nçe yılda Paqstannıñ könçığışındağı Punjab wilayätendä, Mirwala awılınıñ aqsaqallar şurası Mainı cäzalaw öçen köçlärgä färman birgän dielä. Mainı anıñ ir tuğanınıñ ber xatın-qız belän ğıyşığı öçen cäzalağannar dielä. Mai eşe xalıqara däräcädä zur iğtibar cälep itte. Soñraq ul kiçergännäre turında cämäğätçelekkä açıq itep söylägäne öçen xalıqara büläk aldı.
