Accessibility links

Tatarstan arxivlarına çit illärdän küp dokumentlar qayta


Baş arxiv idäräse yärdämendä küp keşelär üzlärenä bik kiräkle mäğlümatlarnı taba. Dokumentlar yuğalu säbäple yortların, başqa mölkätlären üzenä törki almawçılar da, aptırap arxivqa möräcäğät itälär. Xezmätlär yazğanda çit il, Rusiä, xätta bezneñ respublika ğalimnäre dä arxivqa üzenä kiräkle yazmalarnı sorap kilälär.

Ministrlar Kabinetı qarşındağı Baş arxiv idäräsenä dürt respublika arxivı kerä. Milli, Tarixi-säyäsi dokumentlar, Şäxsi häm küptän tügel oyışqan Audio-vizual' arxivlar. Arxiv idäräseneñ baş belgeçe İl'yas Möstäkıymov beldergänçä, alarnıñ härbersendä bik möhim eşlär tuplana. Mäsälän, Şäxsi arxivta törle oyışmalarda, şirqat'lärdä xezmät itkän keşelär turında dokumentlar cıyıla. Layıqlı yalğa çığıp pensiä aqçası bilgelängändä ul dokumentlarnı sorap kilüçelär şaqtıy bula.

Tatarstandağı 44 rayonnıñ härbersendä üz arxivları bar. Baş arxiv idäräse citäkçese Damir Şäräfedinovnıñ 12 yıllıq xezmäte näticäsendä, bügenge köndä alarnıñ härbersendä uñışlı eş sisteması buldırılğan. 4 iyül könne Tatarstan premyer-ministrı Röstäm Miñnexanov ta monı bilgeläp uzdı häm sanap betergesez xezmäte öçen Damir Şäräfetdinovqa maqtaw käğäze belän altın säğät tapşırdı. Şul uq könne

Baş arxiv idäräseneñ yaña citäkçese Danil İbrahimov bilgelände. Danil İbrahimov “Azatlıq” radiosına eşen material'- texnik bazanı nığıtudan başlarğa uylawın äytte.

Arxivta barlığı 4 meñ yarım tiräse dokument bar. Alar artıp tora. Şul säbäple, binalar kiräk. Baza buldıru zarur. Şunıñ buyınça eşläyäçäkmen.

Damir Şäräfetdinov arxiv eşçänlege üseşe öçen küp öleş kertte. Çittäge barlıq möhim dokumentlarnı respublikada tuplaw öçen çit il häm Rusiä töbäkläre arxivları belän kileşülär tözelde. 1998 yılnı Çuwaşiä respublikası arxivı belän tözelgän kileşü nigezendä, Çuwaşiäneñ

Yangil'dino tatar awılı turında şaqtıy mäğlümatlar alınğan. Häm alar ayırım xezmät yazuda qullanılğan. Çit il häm Rusiä töbäkläre arxivları belän tözelgän kileşülär turında Danil İbrahimov

Rosarxiv belän kileşü tözelde. Törkiä, Şvetsiä belän tözelgän kileşü näticäsendä küp dokumentlar qaytarıldı. Kiläçäktä dä kileşülär tözü däwam itäçäk.

Danil İbrahimov belgeçlege buyınça tarixçı. 10 yıl radioda xezmät itä. 1993 yıldan birle Ministrlar kabinetınıñ mädäniät, sänğät häm sport bülegendä baş referent bulıp eşli. Yış qına Arxiv buyınça da mäsälälärne xäl itärgä turı kilgänlektän, älege ölkä Danil İbrahimovqa şaqtıy tanış.

Küp xezmätlär çığarğan Damir Şäräfetdinov isä berniçä yıl elek çığara başlağan şaqtıy eçtälekle “Ğasırlar awazı” fänni-dokumental' jurnalınıñ baş möxärrire bularaq däwam itäçäk. Xäzer Qazannıñ 1000 yıllığına maxsus san äzerlänä.

Landış Xarrasova.

XS
SM
MD
LG