Bügen biredä Rusiä prezidentı Vladimir Putin belän Qazaxstan prezidentı Nursoltan Nazarbayev oçraşıp Qazaxstannıñ Qurmangazı neft' yatmaların bergäläp üzläşterü turında kileşü imzalawğa şahit buldı.
Kileşüne Rusiä xökümäteneñ Rosneft' neft' şirkäte häm Qazaxstannıñ Qurmangaz neft' häm gaz şirkäte wäkilläre Qazaxstan başqalasında tantanalı räweştä imzaladı.
Putin bu proyektqa 2002-nçe yılda kertelä başlağan urtaq investitsiälär 23 milliard dollarğa citäçäk dide. Anıñ äytüençä kilgän tabış 50 million dollarğa citärgä mömkin.
Nazarbayev Kaspiy diñgezeneñ neft' yatmaların üzläşterü turındağı kileşü dönyaküläm ähämiätkä iä dide. Anıñ äytüençä Qurmangazıda 1 milliard tonna çaması neft' bar.
Sişämbe könne Putin Astanädä Rusiä, Qazaxstan, Qıtay, Taciqstan häm Qırğızstannı üz eçenä aluçı Şanxay xezmättäşlek oyışması oçraşuında qatnaştı.
