Accessibility links

Кайнар хәбәр

Tatnet: qabul itü imtixannarına internet aşa äzerlänäbez


«Quray» radiosınıñ üzeneñ internet säxifäse açıldı. Anıñ adresı www.kuray.ru Anda radionıñ eşenä qağılışlı yañalıqlar tuplanıp bara. Tapşırularnıñ çığu waqıtları, turı efirdağı söyläşülärgä qatnaşu öçen telefonnarı birelä. Biredä «on-line» digän töymägä basıp, radio efirğa da totaşu mömkinlege birelä. Radionı internet aşa tıñlaw, Qazandağı keşelärgä bälkem, bik qızıq ta tügelder, ämma çittäge tatarlarğa ul tatarça radionı işeter öçen, berdänber mömkinlek bulıp tora. Häm andıy internet aşa tapşıruğa ixtiac bar. Tatar radiosı saytında forum bülegen uqıp qarasağız, tıñlawçılar arasında Amerika, Finländiä, Aziä däwlätlärendäge tatarlarnıñ barlığın küräçksez. Xäzer inde «Tatar radiosı»nıñ köndäşe barlıqqa kilde, www.kuray.ru aşa da milli cırlarnı tıñlaw mömkinlege açıldı.

Radio tıñlaw öpen tağın ber mömkinlek bar. www.hitv.ru «Tatar radiosı», «Quray», «Yaña ğasır» häm ber niçä urısça radioğa, xätta Piramida küñel açu üzägendä bara torğan waqiğalarnı turı translyatsiädäsen alıp barırğa wäğdä itä.



Yuğarı uqu yortları belän qızıqsınuçılar xäzer küp. Çönki student bulırğa teläweçlär, yuğarı uqu yortın saylıy, imtixannarğa äzerlänä. Awıllarda, rayonnardan häm başqa şähärlärdän dä, yäşlär, ata-analar Qazanğa kilä. Ä bit qayda nindi imtixan, qayçan ğarizalarnı qabul itü tämamlana, bolarnı barısın da internet aşa belep bula. Mäsälän, www.ksu.ru digän, Qazan däwlät universitetınıñ internet säxifäse xäbär itkänçä, BMK fakul’tetında yaña yünäleş açılğan, «Mäğlümäti texnologilär», uquı – tüläwle. Şuşında uq, abiturientlarğa, digän bülektä, kerü imtixannarı waqıtında quyıla torğan ğädäti sorawlar, biremnär belän tanışu mömkinlege bar. Xätta tatar tele bülegendäge imtixanğa äzerlänü öçen künegülär dä bar. Meditsina universitetınıñ internet säxifäse - www.kgmu.kcn.ru. Texnik belem alırğa teläweçlelär www.kai.ru saytında bu universitet täqdim itä torğan belgeçleklär belän tanışa ala. Qalğan yuğarı uqu yortların, sez www.yandex.ru , www.rambler.ru kebek säxifälärdän ezlätä alasız.



Bikä Timerova.

XS
SM
MD
LG