Bagdad. Ğiraqtağı ğisyançılarnıñ ildäge möhim qorılmalarğa höcümnäre arta bara - şimbägä qarşı töndä alar başqala Bagdadtağı töp neft eşkärtü üzägen utqa tottı. Andağı torbautkärgeçkä tup elägü näticäsendä çıqqan ut belän 150-läp yanğın sünderüçe ike säğättän artıq köräşte. Ber kön elek ğisyançılar Bagdadtağı suütkärgeçne utqa totqan ide, şunıñ näticäsendä şähärneñ yartısı eçär susız qaldı.
