1995nçe yılda 8 meñ möselman üterelgän bu şähärgä bügen 50 meñnän artıq keşe faciğane häm qorbannarnı iskä alır öçen cıyıldı. 10 yıl elek Bosniä serb ğaskärläre Berläşkän Millätlärneñ Hollandiä ğaskärläre tarafınnan saqlanğan Srebrenicağa bärep kerep ir keşelärne häm yäş yegetlärne küpläp üterde. 1300gä yaqın qaberlekkä bügen tağın 600gä yaqın mäyet östälde, alar kümäk qäberleklärdä tabılğan. Serb millätçeläreneñ kisken qarşı çığularına qaramastan mätäm çaralarında Serbiä prezidentı Boris Tadiç ta qatnaşa. Yevropa Berlege tışqı säyäsät başlığı Javier Solana, 10 yıl elek bulğan bu faciğa xalıqara cämäğätçelekneñ "zur xatası", dip belderde.
