Accessibility links

Кайнар хәбәр

Ğiraq tışqı eşlär ministrı xalıqara diplomatlarnı çaqırdı


Ğiraq tışqı eşlär ministrı Hoşyar Zebari, uzğan atnada Bağdadta Mısır wäkile üterelüennän soñ, ğäräp häm möselman illären barıber Ğiraqqa üz wäkillären cibärergä, terrorçılardan qurqıp qalmasqa çaqırdı: "Bez ilçelär häm diplomatlarğa höcüm häm qurqınıçlarğa cawap qaytarırğa çaqırıp möräcäğät itäbez. Alğa taba barırğa, diplomat häm ilçelärne Bağdadqa cibärergä, Ğiraq xökümäte belän diplomatik mönäsäbätlärne kiñäytergä çaqırabız," dide tışqı eşlär ministrı. Bügen matbuğat oçraşuında Zebari şulay uq xalıqara diplomatlarnıñ iminlegen nığıtırğa wäğdä itte. İlçelärne saqlaw öçen maxsus iminlek planı äzerlängänen xäbär itte. Mısır ilçeseneñ Al Qaida tarafınnan üterelgän bulğanına Zebari ışanmawın äytte, höcümne "Saddam Hösäin köçläre qaldıqları yasağanına işarälär bar" dide Ğiraq tışqı eşlär ministrı.
XS
SM
MD
LG