Livan başqalası yanında bulğan şartlawda waqıtlıça saqlanu ministrı wazifaların ütäwçe Elias Al-Murr cärähätlär alğan. Ministr utırğan maşina häm saqçıları uzıp barğanda yul qırıyında torğan maşina şartlağan. Kimendä 2 keşe hälak bulğan, 12 keşe yaralanğan. Al-Murr Livan prezidentı Emil Lahudnıñ kiyäwe, alarnıñ ikeseneñ dä Süriä yaqlı säyäsät alıp baruları mäğlüm. Süriä bügenge şartlawnı terror ğämäle dip bäyäläde. Şuşı könnärdä Livannıñ yaña bilgelängän premyer-ministrı Fuad Siniora, Süriä ğaskärläre çığıp kitkännän birle Livannıñ berençe xökümäten tözü belän mäşğül.