Qırğızstan üzäk saylaw komissiäse bügen, yäkşämbe könne uzğan prezident saylawlarınıñ näticäsen iğlan itte. Matbuğat oçraşuında bu xaqta komissiäneñ räsmi wäkile Galiya Alımbekova belderde: "Üzäk saylaw komissiäsenä 2005nçe yılnıñ 10 yülendä Qırğızstan prezidentı saylawlarınıñ ütkänen , 88.71% tawış alğan Qormanbäk Sali ulı Bakiyevnıñ ciñüen räsmi tanunı sorap möräcäğät itäm," dide Komissiä wäkile. Tawış birüdä xalıqnıñ 75%tı qatnaşqan. Üzäk saylaw komissiäse mäğlümatlären xäzer Konstitusiä mäxkämäse raslarğa tieş. Komissiä qararı mäxkämädä raslanğannan soñ Bakiyevnıñ inaugurasiäse ütä ala, tantana avgust ayına bilgeläner dip kötelä.