Yevropa Komissiäse başlığı Jose Manuel Barroso Qıtayğa, Yevropa Berlege belän aralarnı yaqınaytu öçen öçen üzendäge keşe xoquqları torışın yaxşırtu kiräk, dip belderde. Pekinda prezident Hu Jindato belän oçraşu aldınnan Barroso, Yevropa Berlege älegä Qıtay iqtisadınıñ bazardağı statusın tanıy almıy, çönki räsmi tanu – qayber Qıtay şirkätlärenä belderelgän ğäyepläwlärne töşeräçäk, dide: "Qıtaynı tanu prosessın tizlätä alır idek, dip uylıym. Ämma Qıtay berençe adım yasarğa tieş. Qıtay säwdä itü häm investisiä şartları turında wäğdälär birgäç, bu mömkin bulır dip sanıym, dide Barroso. Älegä qadär Yevropa Berlege häm AQŞ Qıtaydanıñ bazardağı urının räsmi tanımadı. Küptän tügel Qıtaynıñ Şansi vilayätendä kümer bazında bulğan şartlawda şaxta citäkçelege ülgängännärneñ tögäl sanın kimetep xäbär itkän. Räsmi Xinhua mäğlümat agentılığına birelgän xäbärdä – şartlawda 19 eşçe häläk buldı, dielgän ide. Çınbarlıqta isä 36 şaxter häläk bulğan. 17seneñ mäyetläre şartlaw bulğan urınnan 150 çaqrım yıraqlıqtağı krematoriyda tabılğan. Şaxtanıñ ike räsmie qulğa alındı. Häläk bulğannarnıñ ğailälärenä aqça tülänergä tieş.
