Rusiädä üz wazifasın tämamlağan Amerika Quşma Ştatları ilçese Alexander Vershbow, Rusiä iqtisadi üseşen korrupsiä, qanunnarnıñ ütälmäwe häm bürokratiä totqarlıy, dip belderde. Mäskäwdä Amerikanıñ säwdä palatasında çığış yasap, Vershbow, Rusiä iqtisadınıñ tärräqiätenä ömet belderde. 2001nçe yılnıñ yülendä Mäskäwgä Waşington ilçese bularaq kilgän Vershbow Rusiädä kisäk üsep kitkän iqtisad häm ber ük waqıtta prezident Vladimir Putinnıñ demokratiäne qısu säyäsäte şartlarında eşläde. Alexander Vershbow urınına kem kiläçäge – älegä bilgesez.
