Törek xökümäte citäkçese belän küreşer aldınnan Rusiä prezidentı xäbärçelärgä, söyläşülär üzägendä berençe çiratta iqtisadi mäs''älälär toraçağın beldergän ide. Şul mäğlüm, ike il arasında üzara säwdä soñğı yıllarda küzgä kürenerlek arttı häm yaqlar monıñ belän genä çiklänmäskä, säwdä külämen tağın da üsterergä teli. Vladimir Putin:
Audio, Vladimir Putin
"Soñğı berniçä yıl eçendä Törkiä belän Rusiä arasındağı xezmättäşlek daimi artıp kilde, min bu oçraqta üzara säwdäne küz aldında totam", di Rusiä prezidentı häm şul külämneñ inde 10 milliard dollarğa citüen, ä kiläçäkkä ğomumän, yaqlarnıñ bu sannı 25 milliardqa citkerü maqsatın quyuı xaqında äytä. Berük waqıtta Putin, ikeyaqlı xezmättäşlek ber säwdä belän genä çiklänergä tieş tügel, anıñ yağulıq, yuğarı texnologiälär ölkäsenä dä cäyelue zarur dip belderä. Erdoğan belän düşämbedä inde ikençe märtäbä küreşkännän soñ Rusiä prezidentı yaqlarnıñ yağulıq ölkäsendäge xezmättäşlekkä ayıruça zur ähämiat birüen xäbär itte:
Audio, Vladimir Putin
"Bez berençe çiratta yağulıq kebek ğädäti ölkälärdäge xezmättäşlekne kiñäytäçäkbez, häm bu bezneñ Törkiägä neft häm gaz satu külämnären arttırunı ğına añlatmıy, bez bu ölkädä çın mäğnäsendä kooperatsiä buldırırğa telibez", di Rusiä prezidentı Putin üz ileneñ Törkiä belän xezmättäşlek perspektivaları turında. Mäskäw, ayırım alğanda, Törkiädäge gazsaqlağıç häm gazütkärgeçlär çeltären üsterüdä qatnaşırğa, aña üzennän yañaların suzırğa äzer buluın belderä:
Audio, Vladimir Putin
"Bez Törkiädä gaz öçen cir astı saqlağıçları tözergä, andağı xosusilaştıru barışında gaz tä''minatı çeltärenä aqça kertergä, häm üzebezdäge yağulıq çimalların Törkiä aşa başqa illärgä, şul isäptän könyaq Yewropağa da citkerü öçen yaña ütkärgeçlär qorırğa äzer" dip belderä Vladimir Putin. Premyer Räcäp Erdoğan üz yağınnan, Törkiägä Rusiädän gaz kitergän "Zäñgär ağım" torbaütkärgeçeneñ nihayät tulı köçenä eşli başlayaçağına ömetlänüen äytte. Älegä anıñ aşa yılına 4 milliard 700 million şaqmaq metr gaz kilsä, ul asılda 16 milliardqa dip qorılğan ide. Söyläşülärdän soñ uzğan urtaq matbuğat oçraşuında törek premyer-ministrı üz ileneñ Rusiäne Dönya Säwdä oyışmasına alunı yaqlawın da belderde. Söyläşülärdä ike il arasında qoral säwdäse ölkäsendäge xezmättäşlekne arttıru yulları da qaralğan. Rusiäne bigräk tä Törkiägä xärbi boralaqlar satu mömkinlege qızıqsındıra, Putin süzlärenä qarağanda, oçraşu barışında Erdoğan moña uñay qarawına işarä itkän.
Audio, Vladimir Putin
Putin belän Erdoğan soñğı 7 ay eçendä inde dürtençe märtäbä oçraştı. Soçidäge söyläşülärdän soñ törek premyerı säfären däwam itep Mongoliägä kitte.
Kärim Kamal
Audio, Vladimir Putin
"Soñğı berniçä yıl eçendä Törkiä belän Rusiä arasındağı xezmättäşlek daimi artıp kilde, min bu oçraqta üzara säwdäne küz aldında totam", di Rusiä prezidentı häm şul külämneñ inde 10 milliard dollarğa citüen, ä kiläçäkkä ğomumän, yaqlarnıñ bu sannı 25 milliardqa citkerü maqsatın quyuı xaqında äytä. Berük waqıtta Putin, ikeyaqlı xezmättäşlek ber säwdä belän genä çiklänergä tieş tügel, anıñ yağulıq, yuğarı texnologiälär ölkäsenä dä cäyelue zarur dip belderä. Erdoğan belän düşämbedä inde ikençe märtäbä küreşkännän soñ Rusiä prezidentı yaqlarnıñ yağulıq ölkäsendäge xezmättäşlekkä ayıruça zur ähämiat birüen xäbär itte:
Audio, Vladimir Putin
"Bez berençe çiratta yağulıq kebek ğädäti ölkälärdäge xezmättäşlekne kiñäytäçäkbez, häm bu bezneñ Törkiägä neft häm gaz satu külämnären arttırunı ğına añlatmıy, bez bu ölkädä çın mäğnäsendä kooperatsiä buldırırğa telibez", di Rusiä prezidentı Putin üz ileneñ Törkiä belän xezmättäşlek perspektivaları turında. Mäskäw, ayırım alğanda, Törkiädäge gazsaqlağıç häm gazütkärgeçlär çeltären üsterüdä qatnaşırğa, aña üzennän yañaların suzırğa äzer buluın belderä:
Audio, Vladimir Putin
"Bez Törkiädä gaz öçen cir astı saqlağıçları tözergä, andağı xosusilaştıru barışında gaz tä''minatı çeltärenä aqça kertergä, häm üzebezdäge yağulıq çimalların Törkiä aşa başqa illärgä, şul isäptän könyaq Yewropağa da citkerü öçen yaña ütkärgeçlär qorırğa äzer" dip belderä Vladimir Putin. Premyer Räcäp Erdoğan üz yağınnan, Törkiägä Rusiädän gaz kitergän "Zäñgär ağım" torbaütkärgeçeneñ nihayät tulı köçenä eşli başlayaçağına ömetlänüen äytte. Älegä anıñ aşa yılına 4 milliard 700 million şaqmaq metr gaz kilsä, ul asılda 16 milliardqa dip qorılğan ide. Söyläşülärdän soñ uzğan urtaq matbuğat oçraşuında törek premyer-ministrı üz ileneñ Rusiäne Dönya Säwdä oyışmasına alunı yaqlawın da belderde. Söyläşülärdä ike il arasında qoral säwdäse ölkäsendäge xezmättäşlekne arttıru yulları da qaralğan. Rusiäne bigräk tä Törkiägä xärbi boralaqlar satu mömkinlege qızıqsındıra, Putin süzlärenä qarağanda, oçraşu barışında Erdoğan moña uñay qarawına işarä itkän.
Audio, Vladimir Putin
Putin belän Erdoğan soñğı 7 ay eçendä inde dürtençe märtäbä oçraştı. Soçidäge söyläşülärdän soñ törek premyerı säfären däwam itep Mongoliägä kitte.
Kärim Kamal