Bügen Serb mäxkamäse elekke Yugoslaviä prezidentı Slobodan Miloşeviçnıñ yäşeren politsiä başlığın häm şul xezmättäge 6 xezmätkärne keşe üterüdä ğäyepläwçe qarar çığardı.
Älege 7 keşelek törkem Kommunism çorında Serb prezidentı bulğan İvan Stamboliçnı üterüdä qatnaşuda ğäyeplände. Stamboliç 2000-nçe yılnıñ avgustında üterelde.
Alar şul uq yılda oppozitsiä başlığı Vuk Draşkoviçqa da höcüm oyıştıruda da ğäyeplände. Draşkoviç xäzer tışqı eşlär ministrı.
Stamboliçnı ütergännär 15 yıldan alıp 40 yılğa qädär törmägä yabıldı.
Yäşeren politsiä başlığı bularaq bu planğa yardäm itkän Radomir Markoviçqa 15 yıllıq törmä cäzası birelde.
Maxsus üterüçelär törkemen citäklägän, Legija quşamatı belän mäğlüm Milorad Ulemekka 40 yıl törmä bilgelände. Monnan tış Ulemek Serbiä premyer ministrı Zoran Djindjiçnı üterüne oyıştıruda da ğäyeplänä. Ul mäxkamä eşe äle däwam itä.
