Accessibility links

Кайнар хәбәр

Äfğän prezidentı Xämit Qarzai Britaniä premyer ministrı Tony Blair belän oçraştı


Karzai belän Blair Äfğänstanda iminlek xälläre, dönyaküläm terrorçılıqqa häm xalıqara narkotik säwdäsenä qarşı köräş turında söyläşte. Oçraşudan soñ xäbärçelär aldında çığış yasap alar ikese dä dönya global' terrorçılıqqa qarşı köräşkä berläşergä tieş dide. Blair Britaniäneñ Äfğän häm Ğiraq suğışların yaqlawı ilne terrorçılar aldında qurqınıç urınğa quydı dip tänqitläwçelärgä qarşı çığış yasadı. AUDİO: Älbättä bu terrorçılar säbäp itep Ğiraqnı yäki Äfğänstannı faydalanaçaq. Sintäberneñ 11-e, älbättä, alarnıñ ikesenä qädär ük bulğan ide. Häm ul waqıtta säbäp Amerikanıñ İzrail'gä qarata säyäsäte buldı. Alarnıñ ğämälläre öçen härwaqıt säbäp bulaçaq. Ämma bez alarnıñ bozıq mantıyğına birelmäs öçen bik saq bulırğa tieşbez. Düşämbe könne Britaniäneñ tikşerenülär belän şöğellänüçe kürenekle Xalıqara Mäs'älälär Patşa İnstitutı Blairnıñ AQŞ citäkçelgendäge Ğiraq suğışın yaqlawı Britaniägä qarşı terror höcümnäre mömkinlegen arttırdı digän xisap çığarğan ide.
XS
SM
MD
LG