Accessibility links

Кайнар хәбәр

İran xisabı: Törmälärdä ezärlekläw buluın iqrar itä


İran yustitsiäse törmälärdä keşe xoquqlarınıñ bozıluın, xökem itelüçelärneñ törmädä qıynaluın şulsanda yalğız kamerağa yabıluın iqrar itte. İran konservativ yustitsiäseneñ elek kürelmägän şuşı xisabın İSNA student xabär agentlığı işetterde.Tehran Yustitsiä Departamentı başlığı Abbas Ali Alizadeh xatalarnıñ tözätelüe öçen çaralar kürelä dip belderde.

İslam respublikası İran berençe märtäbä räsmi räweştä törmälärendä keşe xoquqlarınıñ bozıluın iqrar itä.Xisapta ezärlekläwne tıyğan legal kürsätmälär küp kenä oçraqlarda bozıldı, yış qına keşelär citärlek dälil bulmasa da törmägä yabıldı , qayber oçraqlarda şikle keşelär mäğlüm bulmağan urınnarda totıldı dielgän. Xisapta tawıq urlağan öçen qurqınıçlı Varamin törmäsendä ber atna totılğan 13 yäşlek ber malay, aqçası bulmağan öçen 4 ay törmädä utırğan 73 yäşlek äbi şulayuq 1988nçe yıldan birle mäxkämä protsesı ütkärelmi törmädä totılğan keşe telgä alınğan xisapta. Yustitsiä räsmiläre xäzer çın reformalar ütkärelde häm barlıq problemalar yuq itelde dip äytä.Tehran yustitsiä departamentı başlığı Abbas Ali Alizadeh, İran törmäläre xäzer dönyadağı in yaxşılardan sanala dip äytsä dä anıñ bu komentarlarına qayber küzätüçelär şiklänü belän qarıy.İranda politik totqınnarnı yaqlağan student komitetınnan Xäsän Zarezadeh qatı qul säyäsät taraftarı yustitsiä xäzer üzen uñay kürsätergä mataşa di

Zarezaddeh(audio)

Xisab, rejimnıñ yustitsiädä çın reformalar ütkärelä keşe xoquqları yaqlana dip kürsätergä teläwen çağıldıra. Ämma alarnıñ ezärlekläw yuq dip äytüenä qarşı kilep bula , çönki totqınnarnıñ äle dä ayrım kameralarda ozaq waqıt totıluı ezärlekläw tügelme .Demokratik partiäneñ äğzası Behruz Javid Tehrani ütkän atnada yaqınnnarına 3 ay buyı ayrım kamerada totıluın häm qatı qıynaluın äytä alğan .

Küp märtäbälär törmägä kerep çıqqan Zarezadeh törmädä bik naçar möğämälä kürsätelä , ozaq möddät ayrım kamerada totu , şikle keşene qulları bäyle kileş tüşämgä asıp quyu, şikleneñ başın diwarğa suğu häm psixologik cafalau ğädäti küreneş dip söyli Zarezadeh Nobel büläge laureatı Şirin Ebadinıñ oyıştırğan xoquq yaqlaw üzäge süzçese Möxämmäd Dadxah totıqlarnıñ xoquqları äle dä bozıla di.

Dadxeh(audio)

Açı çınbarlıq şul ki , andıy insidentlar bezneñ törmädä bar.Misal öçen Evin törmäsendä mine ber märtäbä qarda tişenergä mäcbür ittelär. legal bulmağan ğämällär äle dä bar. İrannıñ in tanılğan säyäsi totqını Aqbar Ganji advokatı belän küreşterelmi

İran xakimiätläre ütkändä totqınnarğa naçar möğämälä kürsätelüen , tän cazası buluın kire qaqsa da xoquq yaqlaw oyışmaları törmälärdä ezärlekläw kiñ cäyelgän dip äytä.Küp kenä säyäsi totqın, jurnalist, studentlar üzläreneñ basım astında tağılğan ğäyebne tanuların , ikençeläre advokat, yaqınnarı belän küreşterelmäwlären äytä.Ütkän yılda İran yustitsiä başlığı Ayatolla Mäxmud Xaşemi Şaxrudi ğäyebne tanu öçen cafalau ezärlekläwne tıyğan ide. Tıyu islam Respublikasında ezärlekläwneñ buluın iqrar itü bulıp tora.İran xökümäte xisapnı xupalp qarşı aldı.Ämma Zarezadeh xisabnıñ çın mäğnädä näticäläre bulır dip ışanmıy.Anıñ süzlärençä

Zarezadeh(audio)

Ägär dä islam respubliaksı eçtäge protestlar häm xalıqara basım astında nindider çigenülär yasağan ikän bu äle ezärlekläw yuq digän süz tügel Barlıq säyäsi totqınnar irekkä çığarılğan häm başqalarına keşelekle möğämälä kürsätelä digän süz tügel.

İran törmälärendä totıqlarnıñ ezärleklänüe , 2003 nçe yılda çığışı belän iranlı kanadalı foto-jurnalist Zähra Kazeminıñ Evik törmäsendä ülüe belän iqtibar üzägenä kütärelde .Xökümät soraw alu waqıtında anıñ başı diwarğa suğılğan dip belderde färidä xämit
XS
SM
MD
LG