Accessibility links

Кайнар хәбәр

AQŞ saqlanu ministrı Donald Rumsfeld Bişkäkkä kilde


Qırğızstan başqalasına bügen Amerika Quşma Ştatları saqlanu ministrı Donald Rumsfeldnı kilde. Waqıtlıça tışqı eşlär ministrı wazifaların başqaruçı Roza Otunbayeva süzlärenä qarağanda, oçraşularnıñ köntärtibendä Qırğıztandağı amerikan xärbi bazası yazmışı bulaçaq. Amerika Quşma Ştatları Manastağı xärbi hawa alanın 2001nçe yıldan birle Äfğanstandağı xärbi çaraları öçen qullana. Ämma saqlanu ministrı wazifaların başqaruçı İsmail İsakov, Rumsfeldnıñ Bişkäkkä ike könlek säfäre barışında xärbi bazadan tış başqa mäsälälär turında da söyläşülär bulaçaq, dip belderde: "Xärbi baza mäsäläsennän tış, başqa temalar turında da söyläşü bulaçaq, alar arasında iqtisadi, iminlek mäsäläläre, Qırğızstandağı demokratik prosess, köntärtibendä başqa mäsälälär dä bulır, dip uylıym," dide Qırğızstan saqlanu ministrı. Rumsfelndıñ Bişkäkkä säfäre, yaña saylanğan prezident Qormanbäk Baqievnıñ Waşingtonğa, amerikan ğäskärläreneñ Qırğızstanda qaluı kiräkme digän soraw quyuğa bäyle. Şulay uq bu ay başında, üz eçenä Qırğızstan, Rusiä häm Qıtaynı alğan Şanxay Xezmättäşlek Oyışması da Waşington, Üzäk Aziädän ğaskärlären çığaru waqıtın bilgelärgä tieş, dip beldergän ide.
XS
SM
MD
LG