Başqort däwlät uniwersitetınıñ tatar kafedrası ğalime, filologiä fännäre kandidatı, dotsent Räüf İdrisov : “Moña qädär bülekkä yıl da 25 student qabul itsäk, bıyıl 23 student qabul ittek. Qısqaru säbäbe Rusiädä humanitar fännärne kimetü turında kürsätmägä bäyle. Bıyıl 50 abiturient ğariza yazdı, şularnıñ 12se medäl belän kilüçelär. Alarnıñ 11e qabul itelde”.
Başqort däwlät pedağogiä universitetınıñ tatar bülege ğalime, professor Sufiän Safuanov: “Bezdä yıl da 25keşe tatar bülegenä, 25şe ingliz-tatar bülegenä qabul itelä. Bıyıl tatar bülegenä 40 keşe däğwa itte. Tatar-ingliz bülegenä nibarı 30 ğarizä birelde, alarnıñ 19zı imtixannarnı uñışlı tapşırdı. Şulay itep bu bülekkä citärlek studentlar qabul itelmäde. Bu tatar mäktäplärendä, başlıça, nemes häm fransuz tele uqıtıludan”.
Stärletamaq pedagogiä akädemiäseneñ tatar bülege möğallime İlsur Mansurov:”40 abiturient ğarizä yazğan ide, şularnıñ öçese medälle. Bülekkä 23 student qabul itelde”. Böre däwlät pedağogiä institutınıñ fin-uğır xalıqları telläre kafedrası mödire Serafima Ğapsattarova: “Bülekkä yıl da 25 keşe qabul itelä ide. Bıyıl 16 studentqa qaldırıldı. Säbäbe – yaña başqort-ingliz bülege açıludan. Bıyıl 40qa yaqın ğarizä bidelär, ber medälle dä bar ide”.
