Britaniä premyer ministrı Tony Blair Tönyaq İrlandiädä Britan xakimiätenä qarşı 30 yıldan artıq qorallı köräş alıp barğan İrland Respublikan Armiäse İRAnıñ qorallı köräşne tuqtatu turındağı bügenge belderüen xupladı.
Yarımxärbi İRAnıñ tulısınça säyäsi oyışmağa äwerelü turındağı belderüen Blair bik ähämiätle adım dip bäyäläde.
AUDİO: Bu cimerelgän ömetlärdän soñ nihayät İrlandiä cirendä suğışnı tınıçlıq, terrornı säyäsät almaştırğan kön bulırğa mömkin.
Blair İRA mömkin qädär tizräk qoralların tapşırırğa tieş dide. Anıñ äytüençä, bu adım Tönyaq İrlandiäneñ bülengän wäkalätlär xökümäten torğızuğa yul aça. Ämma İRA belderüendä bu oyışmanıñ taratılmawı da äytelä. Protestantlar anı taratunı taläp itä.
