Şuşı yılnıñ aprel'' ayında Kar''yer bistäsendä bulğan qotoçqıç taciğa turında xäbär itkän idek. Populyar “Bolğar qızları” ansambleneñ 17 yäşlek cırçısı Dilärä Möbäräkşina kiçke säğättä konserttan qaytıp kilgändä suyıp üterelgän. Militsiä xezmätkärläreneñ operativ eşe yärdämendä cinayättä şiklänelgän keşe ikençe könne ük tabılğan. Ul Mari El'' respublikasınnan kilep Qazanda tözeleştä eşlägän tatar keşese 37 yäşlek Cäwdät İxsanov bulıp çıqtı.
Tikşerü waqıtında Cäwdät İxsanovnıñ elek tä näq şundıy uq cinayät öçen 10 yılğa xökemgä tartıluı häm anıñ amnistiä belän irekkä çığarıluı mäğlum bulğan. Anıñ şulay uq başı imgängän buluı da açıqlandı. Militsiä xezmätkärläre Cäwdät İxsanovnı qan ezläre buyınça tapqan. Diläräne ütergännän soñ man''yak tizräk Qazannan qaçu yulın qarağan. Läkin ul ölgermi, tañda militsiä xezmätkärläre anı Qazannıñ yul östendäge kunakxanäsennän alıp kitä. 28 iyüldä Sovet rayonı mäxkämäsendä Cäwdät İxsanov 15 yılğa irektän mäxrüm itelde.
Dilärä eşlägän “Bolğar qızları” ansamble 90 yıllarda oyıştırılğan. Ansambl''neñ repertuarına tatar, rus, törek, ingliz tellärendä 300dän artıq cır kerä. Bu cırlar zamança stil''dä başqarıla häm alarda şulay uq borınğı bolğar mädäniäte dä çağılış taba. Diläräneñ soñğı çığışı 20 martta Qamal teatrı qarşısındağı mäydanda bulğan. “Bolğar qızları” törkemenä isä ul ber yıl elek kilep kergän. Ä uzğan yılda Dilärä urta mäktäpne tämamlap, Qazan mädäniät häm sänğät institutına uqırğa kergän ide.
Tikşerü waqıtında Cäwdät İxsanov awıru qiäfäten çığarırğa tırışsa da, läkin cinayät ezläre anı xaqiqät''ne tanırğa mäcbür itte. Cäwdät İxsanov süzlärenä qarağanda, Diläräne üterü säbäbe ul yäş qıznıñ qarañğı uramda çit ir belän tanışırğa telämäwe bulıp çığa. Çäçäk kebek çibär tatar qızın ber säbäpsez suyğan tatar keşeseneñ 15 yılğa xökem itelüe törle mönäsäbät uyattı. Xäyer, monda xoquqi yomğaq qına tügel, äxlaqi häm ictimaği bäyä tağın da möhimräk.
Al''bina Zäynulla
Tikşerü waqıtında Cäwdät İxsanovnıñ elek tä näq şundıy uq cinayät öçen 10 yılğa xökemgä tartıluı häm anıñ amnistiä belän irekkä çığarıluı mäğlum bulğan. Anıñ şulay uq başı imgängän buluı da açıqlandı. Militsiä xezmätkärläre Cäwdät İxsanovnı qan ezläre buyınça tapqan. Diläräne ütergännän soñ man''yak tizräk Qazannan qaçu yulın qarağan. Läkin ul ölgermi, tañda militsiä xezmätkärläre anı Qazannıñ yul östendäge kunakxanäsennän alıp kitä. 28 iyüldä Sovet rayonı mäxkämäsendä Cäwdät İxsanov 15 yılğa irektän mäxrüm itelde.
Dilärä eşlägän “Bolğar qızları” ansamble 90 yıllarda oyıştırılğan. Ansambl''neñ repertuarına tatar, rus, törek, ingliz tellärendä 300dän artıq cır kerä. Bu cırlar zamança stil''dä başqarıla häm alarda şulay uq borınğı bolğar mädäniäte dä çağılış taba. Diläräneñ soñğı çığışı 20 martta Qamal teatrı qarşısındağı mäydanda bulğan. “Bolğar qızları” törkemenä isä ul ber yıl elek kilep kergän. Ä uzğan yılda Dilärä urta mäktäpne tämamlap, Qazan mädäniät häm sänğät institutına uqırğa kergän ide.
Tikşerü waqıtında Cäwdät İxsanov awıru qiäfäten çığarırğa tırışsa da, läkin cinayät ezläre anı xaqiqät''ne tanırğa mäcbür itte. Cäwdät İxsanov süzlärenä qarağanda, Diläräne üterü säbäbe ul yäş qıznıñ qarañğı uramda çit ir belän tanışırğa telämäwe bulıp çığa. Çäçäk kebek çibär tatar qızın ber säbäpsez suyğan tatar keşeseneñ 15 yılğa xökem itelüe törle mönäsäbät uyattı. Xäyer, monda xoquqi yomğaq qına tügel, äxlaqi häm ictimaği bäyä tağın da möhimräk.
Al''bina Zäynulla
