Accessibility links

Кайнар хәбәр

İRA Britaniägä qarşı suğışnı tuqtatuın iğlan itte


Britaniä iminlek köçläre ütkän atnadağı terror omtılışlarnıñ ğäyeplelären ezläw eşe belän mäşğül bulğanda ,Tönyaq İrlandiädän bik qıyulandıruçı tınıçlıq belderüe kilep citte. 3 distä yıldan artıq waqıt eçendä küp kenä bomba höcümnären oyıştırğan İrlandiä Respublikan Armiäse dip belengän terror oyışması Britaniägä qarşı suğış tuqtatıldı dip belderde.Elekegä qarağanda küpkä açıqraq belderüdä oyışma qoralların küzätü astında yuqqa çığaraçağın häm ölkädä Britan xakimiäten beterü öçen demokratik çaralar qullanaçağın äytä. Küp kenä säyäsätçelär xabärne xuplap qarşı alsa da, qayber küzätüçelär İRA birgän wäğdäsen ütär mikän dip şiklänä?

Britaniä 21.iyüldäge uñışsız terror höcüme artında torğan cinayätçelärne ezläw belän mäşğül bulğanda başqa ber terror oyışması tınıçlıq iğlan itä.İRA İrlandiä Respublikan Armiäse atnakiçtä 1960tan birle Tönyaq İrlandiäneñ bäysezlege öçen Britaniä qarşı alıp barğan köräşne tuqtata dip iğlan itte.İRA äğzası Sean Walsh mediağa tapşırılğan video tasmada citäkçelekneñ qorallı köräşne tuqtatırğa çaqırğan belderüen uqıdı

Walsh(audio)

İRAnıñ barlıq bülekçälärenä qoralların taşlarğa digän kürsätmä birelde.Barlıq ixtiarilärgä tınıçlıq öçen säyäsi häm demokratik programmalar täräqi itü eşendä yardäm itergä quştıq, ixtiarilär başqa ber nindi dä aktivlıqlarğa qatnaşmasqa tieş.

Belderüdä bälkim dä protestant häm katolik çirkäwe wäkilläre qorallarnıñ yuq itelüen qarap barır dip tä äytelä.Bu xabär Britaniä säyäsätçeläre häm premyer tarafınnan xuplap qarşı alındı.

Blair(audio)

Bügen bälkim dä yalğan şäfäqlär häm süngän ömedlärdän soñ İrlandiä utrawında suğışnıñ urınıñ tınıçlıq , terror urınıñ säyäsät alğan könder

Ölkädäge qayber säyäsätçelär, şulsanda katolik respublikannar häm İRAnıñ säyäsi qanatı Sinn fein partiäse optimistik qaraşta. Ämma ölkäneñ Britaniädä qaluın östenräk kürgän protestant säyäsmenner saqlıq kürsätä.Warwick Universitetında säyäsät belgee

David Carlton(audio)

Bu distä yıldağı aqrın evolutsiä, Atışlarnı tuqtatuğa ireşelde , annan ul bozıldı, başqa atışlarnı tuqtatu annan 97nçe yıldä xäzer köçtän çıqqan Good Friday ( yäğni Xisle Comğa kileşüe ) Dönya ütkändä bu kileşülärne bu belderügä qarağanda kübräk entusiazm belän qarşı alğan ide.

Carlton fikerençä terrornıñ xäzer bik yaman räweştä telgä alınuı bälkim dä İRAnıñ üz kampaniäsen tuqtatu qararına kitergänder.Yıllar dewamında 1800 gönaxsız sivil şulayuq iminlek xezmätkärläre ülde, meñnärçe keşe yaralandı.Carlton İRAnıñ belderüendä qoralsızlanu mäsäläsenä iqtibar cälep itep , alar bu mäsälädä kontrol disälär dä misal öçen waqıyğäne kamera belän räsemgä dä töşerem digän beräw qänäğät bulmayaçaq. Alar taralunı kire qağa . Şundıy belderü yasağannan soñ ni öçen armiä yäşärgä däwam itäçäk dip sorap bula dip söyli ul.Carlton ayruça , İRA 1998.yıldağı sonğı atışlarnı tuqtatudan soñ bomba höcüme oyıştırmadı ämma ölkädäge qayber xällär anıñ mafia kebek cinayätçel aktivlıqlarğa qatnaşuın kürsätä dip äytä.Carlton Ütkän yılda Belfastta banktan 40million dollarnıñ urlanuına häm Robert Mccartneyneñ üterelüenä işarä itte.Carlton Britan xökümäte bälkim dä bik aşığıp optimistik fikerlär beyan itte di. Londonda yäşäwçe Roy isemle beräw bolay di:(audio) Äğär dä sez İRA döres söyli dip ışanasız ikän, sez başqa dönyada yäşisez, Alar yalğan söyli.Alar 30yıldan birle qoralların çigenderä.Alarnı yuq itäse urınğa başqa ber urınğa iltep kümä häm kiräkkäç qazıp çığara. Alarnıñ ber süzenä dä ışanmağız . Britaniädä optimistik qaraşta buluçılar da bu belderügä saqlıq belän qarıy färidä xämit
XS
SM
MD
LG