Accessibility links

Rusiä Gruziädäge xärbi bazalarınnan ğäskärlären çığara başladı


Gruziädäge Rusiä köçläre başlıq urınbasarı Vladimir Kurapadze Batumidağı Rusiä bazasınnan distädän artıq xärbi maşina quzğalıp kitte häm alar yäkşämbe könne çik buyına barıp citärgä tieş dide. Ğäskärlärne çığaru comğa könne ük başlanırğa tieş ide, ämma qayber maşina yörtüçelär Gruziädä kire qaytu vizası alıp ölgermäw säbäple ul ber köngä kiçekterelde. Räsmilär äytüençä, Rusiäneñ xärbi cihazların häm xärbilären küçerü aldağı atnalarda däwam itäçäk. Ozaq däwam itkän söyläşülärdän soñ bıyıl Rusiä 2008-nçe yıl axırına Gruziädäge 2 soñğı xärbi bazasın yabarğa kileşte.
XS
SM
MD
LG