Accessibility links

Tanılğan ğalim Rail Kuzeyev wafat buldı


Başqortstannıñ tanılğan ğälime, etnoloğiä häm etnoğrafiä belgeçe, aqädemik Rail Quzeyev, ozaq häm qatı awırudan soñ, düşämbedän sişämbegä qarşı töndä, 77 nçe yäşendä wafat buldı. Milläte buyınça tatar bulğan Rail Ğomär ulı Quzeyev tatar häm başqort xalıqları tarixın öyränügä küp köç saldı. Tatar häm başqort xalıqlarınıñ ber-bersenä törle ölkädäge yoğıntısı häm ber-berseneñ üseşenä kertkän öleşe turında da bay mäğlümatlar tuplağan ğälim buldı Rail Quzeyev. Qaysıberdä Başqortstan räsmi xaqimiätläreneñ sotsiäl zaqazın ütäwdä ğäiplänsä dä, Rail Quzeyevnıñ milli fän üseşenä kertkän öleşe, hiçşiksez, yuğarı bäyälänä ala. Kürenekle ğälim Rusiä Fännär aqädemiäseneñ Başqortstan ğilmi üzäge qarşında Etnoloğiä häm etnoğrafiä muzeyen açuda başlap yörde häm ozaq yıllar bu muzeynıñ citäkçese wazıyfaların başqardı.

Märxüm belän xuşlaşu çärşämbe könne 12 säğättä başlana. Rail Quzeyevnı mäñgelek yortına Ufadağı möselman ziratında küçeräçäklär.

Fänis Fätxi, Ufa.
XS
SM
MD
LG