Accessibility links

Кайнар хәбәр

Şäwkät Bogdanov Petr patşa häykälenä qarşı


Qazanda Berençe Petr patşa häykäle quyu niätenä qarşı “Bolğar yañarışı” cämğiäte räise Şäwkät Bogdanov Valentina Matvienko häm Kamil İsxakov isemenä protest xatları cibärgän. Bogdanov Piterbur xakimiäteneñ märkäzebez Qazanğa Petr patşa häykälen “büläk itü” niäten xalqıbıznı eçtän çeretü maqsatın küzdä totqan “troyanskiy kon''” dip bäyäli. Piterbur tatar söyäkläre östendä utıra, Petr buldırğan urıs flotı “laşman” isemendä tanılğan tatar qanı belän suğarılğan. Xalıqnıñ iñ zur doşmanın zurlaw - anıñ bitenä tökerügä tiñ ul.

Şäwkät Bogdanov fikerençä, Çiläbe ölkäseneñ Qunaşaq rayonı tatarları östennän 50 yılğa yaqın uzdırılıp kilüçe “täcribä” – Petr patşa täcribäseneñ däwamı ul.

“Bolğar yañarışı” oyışması idaräseneñ Valentina Matvienko häm Qamil İsxakov isemenä cibärgän protest xatlarında süz menä şul turıda bara

Xalıqqa möräcäğätendä Möxärräm Salixov gubernator Sergey Morozov quyğan burıçlarnı ütäwdä berdäm xezmät itärgä öndi. Läkin möräcäğättä ber özek xäwefle uylar da tudırırlıq: “Rayon citäkçelege milli tatar rayonın saqlap qalu, xalqıbıznıñ mädäniäten, ğöref-ğadätlären, tatar telendä çığıp kilüçe teletapşırularnı, rayon gäziten üsterü buyınça da citdi çaralar kürergä niätli”.

Älbättä, saf tatar rayonında millätebezne saqlap qalu çaraları turındağı süzlär tabiği sanalırğa tieş. Tik ber borçulı sorawğa da urın qala: “tatar rayonın saqlap qalu” digän ğibärä bu afätneñ kön tärtibenä kilep basqanına işarä tügelme ikän? Tatar cämäğätçelege farazlawınça, Qulatqını sänäğät şirqat''lärennän, salım politsiäse, elektrosvyaz'' kebek rayon öçen bik kiräk närsälärdän mäxrüm qaldıru, şunıñ näticäsendä rayon xalqınıñ törle yaqlarğa sibelüe, uzğan saylawlar aldı şaw-şuları - bolar barısı näq şul afätne yaqınaytu öçen eşlänmägänme ikän?.

İske Qulatqı rayonında xalıq sanı haman kimi bara. Ölkäneñ törle rayonnarında bu rayon yeget-qızları ölkä iqtisadı üseşenä zur öleş kertälär.

Kürşe Novospasski rayonı üzägendä dä alar baytaq. Bu rayonda tatar awılları yuq. Ä rayon üzäge xalqınıñ öçtän bere - tatarlar. Şuña da qaramastan, rayon byudjetında tatar milli-mädäni mänfägat''läre öçen moña qädär ber tien dä qaralmağan ide. 29-mayda uzğan cirle saylawlarda rayon Sovetına deputat bulıp saylanğan kürenekle maltabar, tabib Kärim Adelev yaña Sovetnıñ berençe utırışında uq şuşı mäs''älä buyınça yalqınlı çığış yasağan. Häm deputatlar mondıy ğädelsezlekne tözätergä mäcbür bulğannar: tözelep betkän diärlek Allah yortın açu tantanasına qädär başqarılaçaq eşlär öçen byudjet aqçası da qaralğan.

Ä tözeleş 3 yıl elek başlanğan ide inde. Berençe nigez taşın quyuda Kärim äfände Räqib Abdyuşev, Şamil Gaynetdinov, Xämzä Yambaev kebek kürenekle millättäşlärebezne dä cälep itä. Allah yortı ike qatlı itep salınğan. Berençe qatta mädräsä, aşxanä, mosafirlar öçen maxsus bülmä yasalğan. Ayırım işek möselman tawarları belän säwdä itäçäk kibetkä kertä. Yaqın kiläçäktä mäçet yänäşäsendä tağın ber bina qalqıp çığaçaq. Anda kotel''nıy, saqçılar bülmäse häm tähärätxanä buldıru qaralğan. Millätpärvar Räqib Abdyuşev äytüençä, mäçetneñ tirä-yağında alma, çiä, sliva, yukä, qayın üsenteläre utırtılaçaq. Yänäşädä şäxsi maşinalar saqlaw urını buldıru da küzdä totıla. Ä 26-avgustta bulaçaq mäçet açu tantanasında qorban itep çalır öçen, ul Qazaxsatnnan maxsus döya qaytarğan. Äle bu döyä Zur Çirkle awılı fermerı Rawil Mäületov xucalığında simerep yata, di.

“Azatlıq” radiosı, Ayrat İbrahim, Sember.

XS
SM
MD
LG