Accessibility links

Кайнар хәбәр

Äzerbaycan oppozisiäse xökümätne täñqitläp çıqtı


Äzerbaycannıñ Xalıq Frontı firqäse citäkçese Ali Kerimli, yäşlär yulbaşçısı Ruslan Başırlını qulğa alu, xökümätneñ oppozisiäne köçsezländerü planınıñ ber öleşe, dip belderde, ämma noyaber ayında parlament saylawlarınıñ ğädel häm irekle şartlarda ütüe öçen eşne däwam itäçäge turında äytte. Baqıda xäbärçelär aldında, Ali Kerimli, Başırlını qulğa alunı prezident İlham Aliev oyıştırdı, dide:

"Yanawlar häm psixologik höcümnär, yala yağular, bezne ğädel häm irekle saylawlar öçen köräş yulınnan bora almayaçaq. Alarnıñ maqsatı – yasalma räweştä köntärtibenä yaña mäsälälär kertep bezne yuldan yazdıru," dide Kerimli.

Oppozisiädäge yäşlärneñ Yaña Fiker oyışması räise Başırlı çärşämbe könne qulğa alındı. Polisiä anı xökümätkä qarşı çaralar öçen Ärmänstannan aqça aluda ğäyepli. Bügen Baqıda uzğan matbuğat oçraşuında Yaña Fiker räise urınbasarı Fiqrät Mammadoğlu ğäyepläwlärne kire qaqtı.

Xalıq Frontınıñ Naxiçevandağı baş fatirına 25läp keşe höcüm itkän, dip xäbär itelä. Alar firqa äğzalären qıynağan, eş urınnarın cimergän. Cirle räsmilär bu xälgä äle ber nindi dä añlatma birmäde.
XS
SM
MD
LG