Mäskäw -- Mäskäwdä Polşa diplomatı Andrey Uryadko qıynalu uñayınnan Rusiäneñ Tışqı eşlär ministrlığı bügen ükeneçen belderde. Uryadko yäkşämbedä Mäskäw üzägendä bilgesez keşelär tarafınnan qıynalğannan soñ Botkinski xastaxanäsenä salınğan. Polşa ilçelege xezmätkäre äytüençä, Uryadko awır cäräxätlär alğan, anıñ mie selkengän. Bu waqiğa säbäple, Polşanıñ Mäskäwdäge baş konsulı Tomaş Klimanski Rusiäneñ Tışqı eşlär ministrlığına şikäyät xatı yulladı. Cinäyät eşe açılğan.
