Bu inde anıñ , ğädättägeçä, avgust ayında inde Qazanda uza torğan konsertlarınıñ 17 sezonı . Bıyıl konsertlarınıñ başlanğan köne 7 avgust bulsa, konsertnıñ başlanğan waqıtı da kiçke säğät 7 dä .
Konsertlarınıñ tämamlanuı da 17 avgustta. Ämma Salawat konsertlarınıñ 17 sezonı başqalarınnan ayırmalı bularaq, berençedän anıñ Rossiäneñ atqazanğan artistı bulıp Qazanda çığış yasawı äle berençe tapqır. Bıyıl närsä belän keşene şaqqattırır ikän digän soraw belän konsertqa kittek. Audio
Salawatnıñ bıyılğı programması anıñ teatral'läşterelgän tamaşasında berençe tapqır yañğırağan “İtil suı aqa torur”, “Yänbikä” “Büre”, cırları tamaşaçı tarafınnan bik cılı qarşı alındı. Büre - ul inde tatar xalqı simvolı itep qabul itelä . Bu cırda tatar xalqınıñ yazmışı büreneñ yazmışı belän çağıştırıla. Uz xalqı, watanı öçen Salawatnıñ Bürelärdäy bulıp olawı, anıñ çın watanpärwärlegen sürätli. Büreneñ tuğrılığı kebek , üzeneñ tırışlığı, ğädellege belän dan qazanğan watanpärwär tatar xalqı da üzeneñ azatlığı, bäysezlege öçen köräşüen kürsätä ul.
Şulay uq Salawat Qazannıñ Qaban küle altınnarın ezläp, qaban küle töbennän tabılğan sandıq eçendäge “altınnar”, yäğni, sandıq serläre arasında tatar xalqınıñ böyek cırçıları Ğabdulla Räximkulov, Tahir Yakupov, İlham Şakirov, Älfiä Avzalova repertuarıyndağı cırların başqardı. Bıyıl säxnä qunağı bulıp Salawatnıñ konsertında Tatarstannıñ xalıq artistçası Flürä Söläymanova çığış yasadı.
Salawatnıñ konsertı turında ğadi tamaşaçı:
“Salawatnıñ bu programması bar keşegä dä oşıy torğan programma, anıñ tawışı maturlığı belän başqa tawışlardan ayırılıp tora”,- dide.
Yäşlär teatrı citäkçese Robert Mortazin fikere menä mondıy: “Salawat küzlärdän yäşlär çığardı , küñelne sıqrattı”, -dide.
Säxnä bizäleşendä Tatarstanda çıqqan tatar gäzit jurnalları da bar ide. Häm cır başqarılğanda cırnıñ eçtälegen qüätläp ekrannarda kino- kadrlar canlana. Anda xalıq tormışınnan kadrlar kürsätelde. Mälikä Basıyr, Qazan.
