Accessibility links

Nagasaki atom höcümenä 60 yıl tuldı


Nagasaki -- Yaponiäneñ Nagasaki şähärendä bügen atom höcümenä 60 yıl tulu uñayınnan çaralar ütte. 1945 yılnıñ 9 avgustında amerikannar taşlağan bomba şartlaw näticäsendä 70 meñnän artıq keşe häläk buldı. Cirle waqıt belän säğät 11dä, näq bomba şartlağan waqıtta, 6 meläp keşe, şul isäptän premier-ministr Yunichiro Koizumi, ber minut tınlıq tottılar. Nagasaki xakime İçço İto, 2001-neñ 11 Sintäberennän soñ Amerikannarnıñ terrorçılıqtan qurquın añlıym, läkin Quşma Ştatlarnıñ atom qoralı bu ilne iminräk itäme, digän soraw quydı:

"Quşma Ştatlarnıñ 10 meñläp atom çuqmarı bar, atom sınawlar ütkärde, citmäsä, keçkenä atom bombası yasamaqçı. Amerikannar bu säyäsätneñ tınıçlıq kiterüenä ışanamı? Sez barığız da atom qoralına qarşı. Dönyağa tınıçlıq kiterü öçen bez berläşergä tieş."

Şundıy uq eçtälektä belderüne, şimbä könne, Hiroshima şartlawına 60 yıl tulu uñayınnan, premier-ministr Koizumi da yasağan ide.
XS
SM
MD
LG