Tähran -- İrannıñ elekke prezidentı Äqbär Xaşemi Rafsancani, Berläşkän Millätlär Atom İdaräsenıñ İranğa qarata çığarğan qırıs qararı Könbatışqa qimmätkä töşäçäk, dip kisätte. Kiçä İdarä İrannı uran bayıtu eşlären tulısınça tuqtatırğa taläp itkän qarar qabul itte. Rafsancani bu qararnıñ ber tawıştan qabul itelüenä ğäcäplänü belderde. Bügenge comğa namazı waqıtında çığış yasap, Rafsancani, alar İrannı ciñdek dip uylıylar, läkin İran belän, Ğiraq yä Liviä şikelle eş itep bulmıy, dide. Bu ğibädättän soñ yözlägän keşe uramğa çığıp, İranğa atom programmasın däwam itergä xoquq taläp itte.