Accessibility links

Кайнар хәбәр

Groznyda 12 yäşlek malay häläk buldı


Şähär üzägendä bulğan şartlawda bügen 12 yäşlek malay häläk buldı, 9 keşe yaralandı. Çeçnya tışqı eşlär ministrı urınbasarı Ahmed Dakayev süzlärenä qarağanda, 4 milisiä xezmätkäre cärähätlär alğan.

Rusiäneñ Çeçnyadağı ike suğışı waqıtında 160 meñgä yaqın keşe yuğalğan yä häläk bulğan. Çeçnyadağı Mäskäw yaqlı räsmilär xäbär itüençä, alar arasında tınıç keşelär, häm xärbilär bar. İtar-Tass xäbärlär agentlığı, Çeçnya parlamentı başlığı Taus Djabrailov süzlären kiterep, şul 160 meñneñ 40 meñe – çeçennar, dip belderde. Memorial keşe xoquqları oyışması mäğlümatlärenä qarağanda, Çeçnyada xäbärsez yuğalğan yä üterelgän tınıç keşelärneñ sanı 60 meñgä citä. Mäskäw Çeçnyada berençe xärbi kampaniäsen 1994dän 2 yıl alıp bardı, ikençese – 1999nçı yıldan birle däwam itä.
XS
SM
MD
LG