Accessibility links

Başqortostanda "ballı kileşew" töźöldö


Amerikanıñ Natural Products kompaniahı Başqortostandıñ umartasılıq häm apiteräpiä ğilmi tikşerenew üźäge menän kileşew töźönö. Küptär bını "ballı kileşew" tip bahalap ta ölgörźö inde. Natural Products kompaniahı wäkildäre äytewensä, başqort balı New York baźarźarında la hatıla. Ämmä unıñ sifatı küpkä qaytışıraq. Beź amerikandarğa ısın başqort bılan tämlätergä uylaybıź ti ular. Tışqı iqtisadi bäyläneştär häm sawźa ministrı Boris Kolbin oşonday osraqtar bulmahın ösön başqort balı isemen patentlaw käräklegen dä bildäläne kileşewgä qul quyğanda. Şulay itep, kileşew źur külämdä bal hatıu buyınsa täwgehe. Ministrlıq wäkile Rayan Ğiläjetdinov äytewensä, Başqortostan umartasıları ösön küp bıuatlıq tradisialarźıñ yañı osoro başlana. Okean aryağı eşqıuarźarı başqort balınıñ ber ölöşön 4 ay elek ük alıp qaytqan. Amerika ğälimdarına tämlätkän. Ular balğa yuğarı baha birgän. Natural Products wäkile Michael Entenson äytewensä, huñınan inde baldı Amerikanıñ här ştatında hatıuğa sığarırğa qarar itelgän:

Audio

Umartasılıq häm apiteräpiä buyınsa ğilmi üźäk yetäksehe Ämir İşemğolov kileşew oźon ğümerle bulır tigän ışanıs belderźe. Respublikala yılına 170 meñ tonnanan aşıu bal yeteşterelä. Xäźer inde üźäk Räsäy baźarınan tış, Amerika, Yaponiä, Slovakiä, Bolğarstan baźarźarın yawlap alırğa la niätläy.

Audio

Äle Amerikağa ös törlö bal äźerlänä. Yıyılma säskäle, yükä häm qaraboźay baldarı. Bığa tiklem Amerika eşqıuarźarı baldı hawıttarğa halıuźı qarağan, maxsus etiketkanı raslawźa qatnaşqan. Eksportqa äźerlängän bal ösön xalıqara talaptarğa yawap birgän maxsus etiketka äźerlängän. Älegä unda baldıñ sifatın kürhätkän bildä genä yuq. Tiźźän Başqortostanğa Amerika awıl xujalığı ministrlığı belgese kilewe kötölä. Ul umartalarźı qarağas, etiketkalarğa Ekologik yaqtan xäwefheź tigän bildä quyılasaq. Ul saqta başqor balınıñ xaqı ike tapqırğa kütäreläsäk. Amerikala unıñ bäläkäy hawıttağıhın 700 gramlıhın 7-8 dollarğa hatıu qarala. Oşo köndärźä respublikanan 1 meñ tonna bal Almaniağa yebäreläsäk.

Rämzit Abuläev, Öfö
XS
SM
MD
LG