Accessibility links

Qazanda yanğınnar yışaydı


24nçe avgustta, könneñ ikençe yartısında, Yäpeyev uramındağı binada yanğın çıqqan. Bu waqiğa mäğlümat çarlarınıñ iğtibarın alay uq cälep itmäs ide, ägär, bina Qazan İzge ana İkonası urnaşqan, Krestovozdvijenie çirkäweneñ kürşe binasında bulmasa. Çirkäwgä zıyan kilmägän. «Tatar-inform» agentlığı xäbär itkänçä, yanğın turında xäbär 16.15 minutta çıqqan. Bu minutlarda, şähär üzägendä, Peterbur uramı açılışı tantanaları bara torğan bulğan. Yanğın sünderügä 8 miçkä su, 3 maxsus cihazlanğan maşina cälep itelgän. Ut 15 minut eçendä sünderelgän. Ğädälättän tış xällär ministrlığı, yanğın, kemneñder ut belän saqsız qılanu arasında kilep çıqqan bulırğa mömkin, dip añlata. Berniçä kön elek, şundıy uq, zur bulmağan, yanğın Qazan üzägendä, Bauman uramındağı taşlandıq binada çıqqan ide. Anı tiz arada sünderdelär. Avgust başında, Qazanda Federal iminlek xezmäte häm Eçke eşlär ministrlığı binaları yandı. Yışayıp kitkän yanğınnar, Qazannıñ 1000 yıllıq bäyrämnäre belän bäyleme, yuqmı, bilgesez. Räsmilär wäzğiätkä añlatmalar birmi.



Bikä Timerova.

XS
SM
MD
LG