Bıltır Tönyaq Osetiäneñ totıqlar alınğan Beslan mäktäbendä balaların yuğaltqan analar bügen biredä xakimiätlärne tieşle tikşerü ütkärä almawda ğäyepläp protest belderde. Kiläse atnada Beslan faciğäsenä ber yıl tula.
Açulı 15-läp ana uzğan tönne berdänber isän qalğan totıq aluçı dip isäplänüçe Nurpaşa Kulayev xökem itelgän mäxkamä binasında ütkärde.
2004-nçe yılnıñ 1-nçe sentäberendä qorallı törkem Beslan mäktäbendä totıqlar aldı. 3-nçe sentäberdä Rusiä xärbiläre mäktäpne yaw belän alğanda 330-lap keşe üterelde. Qorbannarnıñ küpçelege balalar buldı.