Accessibility links

Кайнар хәбәр

İran BMO İminlek Şurasınıñ çikläwlär quyu mömkinlegennän qurıqmıy


Irannıñ atom programması söyläşülärendä Tähran yağınıñ citäkçese Ali Laricani bügen biredä BMOnıñ Xalıqara Atom Energiäse İdaräse başlığı Möxämmät äl-Baraday belän oçraştı. Tizdän äl-Baraday atom texnologiälären taratmaw kileşüen İrannıñ niçek ütäwe turında xisap iğlan itäçäk. Laricani äl-Baradayğa Tähran kiläse ayda Britaniä, Fransiä häm Germaniä belän atom söyläşülärendä yaña täqdimnär belän çığarğa äzerlänä dide. Yewropanı wäkillek itüçe älege 3 il, ägär dä Tähran uran bayıtudan baş tartsa, aña iqtisadıy yardäm kürsätüne täqdim itkän ide. Tähran bu täqdimne kire qağıp uran bayıtunı öleşçä yañartqannan soñ alar avgust ayına bilgelängän söyläşülärne ütkärmäskä buldı. Bügen Laricani äl-Baraday belän oçraşudan soñ İran söyläşülärne däwam itärgä teli, ämma BMO iminlek şurasınıñ çikläwlär kertü mömkinlege turındağı süzlärgän qurıqmıy dide. Kiçä ul Tähran atom söyläşülärendä barı Britaniä, Fransiä häm Germaniä belän genä çiklänergä säbäp yuq dip isäpli digän ide.
XS
SM
MD
LG