Accessibility links

Кайнар хәбәр

Ğıraq: Bäxäslär däwam itsä dä, konstitutsiä ölgese äzer


Ğıraq Saddamnnan son berençe konstitutsiä ölgesen nixäyät yazıp beterde. Dokument ike atna kiçegü belän 28.augustta şığılar östenlek itkän parlamentqa täqdim itelde. Atnalarça däwam itkän qatı satulaşularğa qatnaşqan sönni wäkillär bezneñ borçılular dokumentta iqtibarğa alınmadı bez 15.üktäberdä referendumğa quyılaçaq konstitutsiä ölgeseneñ kire qağıluı öçen tırışlıq alıp baraçaqbız dip belderde.

Yäkşämbe könne Konstitutsiäne äzerläw komitetınıñ räise şığı Human Hammudi konstitutsiä ölgesen parlamentqa täqdim itkändä optimistik qaraş belderep bolay dide

Hammudi(audio)

Min häm komitet äğzalarınıñ küpçelege qaraşınça konstitutsiä töbäktä bik alğa kitkän täcrübäne kürsätä- bu Ğıraq xalqı öçen bik yaxşı täcribä

Parlament konstitutsiä ölgesen referendumğa quyğançı üze raslarğa tieş tügel .Ğıraqnıñ waqıtlı prezidentı çığışı belän körd Jalal Talabani konstitutsiä ölgese referendumda xuplanır dip kötä.

Talabani(audio)

Konstitutsiä tiräsendä barğan diskussiä, dialog dini ışanıç , etnik çığışqa qaramastan Ğıraq xalqınıñ berdämlegen nığıtaçaq.

Konstitutsiä turında şundıy xuplau süzläre äytelsä dä anıñ kiläçäge turında bik küp soraular qala birä. İn möhime yäkşämbe könge bäyrämnärgä qatnaşmağan sönni partiäläre arasındağı qänäğätsezlekneñ däräcäse . Konstitutsiä komitetına kiñäşlär birep torğan xoquqçı Ali al-Muşxadani süzlärençä, bez kiläçäktä däwlät, xalıqnıñ bötenlegenä täsir itäçäk küp kenä elementlarnıñ üzäk xakimiättän alınuına şaqqattıq.. Bezneñ qarşı çıqqan töp mäsälälär xätta konstitutsiäneñ kereşendä dä yuq xoquq belgeçe bularaq min anda qul quya almim , çönki min kiläçäktä mäxkämälär tänqitlär dip borçılam. Konstitutsiä ölgese referendumda raslanmasa Washington häm Bagdadtnıñ yaña demokratik tärtip buldıru plannarı astı öskä kiläçäk .Prezident G.Bush yäkşämbedä Sönnilärneñ ölgegä qarşı buluların tanısa da, alarnı referendumda uñay tawış birergä çaqırdı

Bush(audio)

Konstitutsiä mäsäläsendä ğıraqlılar arasında kileşmäwçänlek bar, älbättä kileşmäwçänlek bar.. Bez säyäsi protsessnı qarıybız ,bez debat kompromislarnı qıyulandırğan protsessnı qarap barabız.Xalıq konstitutsiä yazılğanda alu häm birüneñ mömkin buluın añlıy.

Konstitutsiä ölgese parlamentqa täqdim itelgänçe sönni häm şığı wäkillär arasında fiker ayırmalıqların taraytu öçen qatı satulaşular bardı. Älege dokument ğıraqlılarğa federal töbäklär tözü xoquqın birä häm älege waqıtta şaqtıy ğına avtonomiägä iä Körd töbägen tanıy.Ämma dokument başqa xalıq törkemnäreneñ federalizm prinsıpların ğämälgä quyu mexanizmın buldırunı yaña parlamentqa qaldıra.Yaña parlament dikäber urtasında saylanırğa tieş.Moña sönnilär nıq qarşı çağa. Çönki qayber şığı partiäläre avtonom şığı töbägen taläp itä.Sönni citäkçeläre isä körd häm şığılarğa avtonomiä birü ilne bülgäliäçäk digän noqtada tora.Konstitutsiä ölgesendä Ğıraq möselman ile ämma ul ğäräb ile tügel dielä. Sönni wäkillär Ğıraqnıñ ğäräb ile itep iğlan itelüen taläp itte. Ölgeneñ sonğı formasında Ğıraq şulayuq möselman ämma ğäräb bulmağan körd häm başqa azçılıqlarnıñ ile dielä. färidä xämit
XS
SM
MD
LG