Accessibility links

Кайнар хәбәр

Livanda Rafiq Hariri üleme belän bäyle 3 keşe qulğa alındı


Livan premyer-ministrı Fuad Saniora süzlärenä qarağanda, iminlek xezmäteneñ elekke 3 başlığı häm prezident saqçıları citäkçese elekke premyer Rafik Haririnı üterügä qatnaşı buluda şiklänelä. Berläşkän Millätlär Oyışması tikşerüçeläre aldına şulay uq prezident saqçıları başlığı da basaçaq.

General İminlek İdaräseneñ elekke başlığı Cämil as-Säyyed, polisiäneñ elekke başlığı Ali Hajj häm xärbi küzläw xezmäteneñ elekke citäkçese Raymond Azar qulğa alınğan. Şulay uq elekke ministr häm parlament äğzası Nasser Qandilne qulğa alu färmanı birelgän. Alar barısı da Süriäneñ Livandağı xakimiäten yaqlap kilgän, dielä.

Hariri häm tağın 20 keşe 14nçe fivral könne Beirutta bulğan höcümdä wafat buldı.

Livan oppozisiä höcüm öçen Süriä cawaplı, dip belderde. Süriä monı kire qaqtı.
XS
SM
MD
LG