Accessibility links

Кайнар хәбәр

Qıtay keşe xoquqları torışın yaxşırtqançı xäyerçelekne beterergä kiräk dip sanıy


Berläşkän Millätlär Oyışmasınıñ qaçaqlar öçen yuğarı wäkile Louise Arbour bügen Pekinda Aziä-Tın okean töbägendä keşe xoquqlarına bağışlanğan cıyın açıp cibärde. Qıtayğa 5 köngä kilgän Arbour, keşe xoquqları – iñ töp mäsälä bulırğa tieş, dip belderde. Ämma Qıtay xökümäteneñ yuğarı räsmi wäkile Tang Ciasuan, keşe xoquqlarına qädär, Aziä illärendä, şul sanda Qıtayda da iñ zur problema – xäyerçelek häm dönyadan artta qalu, dide:

"Xäyerçelek – keşe xoquqların yaxşırtu yulındağı iñ zur kirtä bulıp qala. Şunıñ öçen bezneñ iñ möhim maqsatıbız – iqtisadi, sotsial häm mädäni şartlarnı yaxşırtu, dip sanıym. Tärräqiät bulğannan soñ, keşe xoquqları torışında da alğa kiteş bulır," dide Qıtay xökümäte wäkile.

Tağın anıñ süzlärenä qarağanda, Qıtay üzeneñ iqtisadi reformaları belän soñğı 2 distä yıl eçendä berniçä yöz million qıtaylınıñ tormışın yaxşırtqan, alarnı çista su, aşamlıqlar häm yäşär urın belän tämin itkän. Tang, Qıtay citäkçelegeneñ köntärtibendä şundıy maqsatlar tora, häm bu da – keşe xoquqları torışı, dide.
XS
SM
MD
LG