Däwlät serlären açuda ğäyeplänep 4 yılğa törmägä utırtılğan Rusiä iminlek xezmäteneñ elekke ofiserı Mixail Trepaşkin, cäzanıñ 3tän ber öleşen alıp irekkä çığarıldı. Trepaşkin süzlärenä qarağanda, iminlek xezmätläre aña qarşı dälillärne, anıñ 1999nçı yıldağı terror ğämällären tikşerüennän üç alu itep oyıştırğan. Mäğlüm bulğança 99nçı yılğı şartlawlar –Mäskäwneñ Çeçnyağa ğäskär kerter öçen sıltaw bulğan ide. Räsmilär terrorda çeçen suğışçıların ğäyepläde, ämma qayber küzätüçelär, şartlawlarnı oyıştıruda iminlek xezmätläre şiklänelä, dip beldergän ide.
Trepaşkinnıñ advokatı Yelena Liptser radiobızğa bügen menä närsälär belderde:
"Mäxkämä bik tiz arada bezneñ möräcäğätne qarap, Nizhniy Tagildağı törmä idäräse bik tiz añlatma birde. Bolarğa min bik aptıradım, çönki ul Nizhni Tagilğa avgust başında ğına kilde. Ğädättä törmä idäräse totqınnıñ kimendä 6 ay yäşäwen täläp itä." dide advokat xanım.
Trepaşkinnıñ 1997nçe yılğa qädär eş urını bulğan Federal İminlek Xezmäte FSB, üz xezmätkären Britaniäneñ Mİ-5 iminlek xezmätenä FSbnıñ däräcäsen töşerü maqsatı belän şartlatqıçlar turında mäğlümat satuda ğäyepläw beldergän ide.
Trepaşkinnıñ advokatı Yelena Liptser radiobızğa bügen menä närsälär belderde:
"Mäxkämä bik tiz arada bezneñ möräcäğätne qarap, Nizhniy Tagildağı törmä idäräse bik tiz añlatma birde. Bolarğa min bik aptıradım, çönki ul Nizhni Tagilğa avgust başında ğına kilde. Ğädättä törmä idäräse totqınnıñ kimendä 6 ay yäşäwen täläp itä." dide advokat xanım.
Trepaşkinnıñ 1997nçe yılğa qädär eş urını bulğan Federal İminlek Xezmäte FSB, üz xezmätkären Britaniäneñ Mİ-5 iminlek xezmätenä FSbnıñ däräcäsen töşerü maqsatı belän şartlatqıçlar turında mäğlümat satuda ğäyepläw beldergän ide.
