Accessibility links

Кайнар хәбәр

Ğiraq şiğiläre konstitusiäne yaqlar öçen uramnarğa çıqtı


Ğiraqnıñ könyağındağı bu şähärdä bügen meñlägän şiği konstitusiäne yaqlap uram cıyını oyıştırdı.

"Terrorğa – yuq, konstitusiägä eye" digän şiğärlär yañğradı.

Cıyınnı şiğilärneñ Ğiraqta İslam İnqilabınıñ Yuğarı Şurası oyıştırdı. Töp qanunnı yaqlağan mondıy cıyın Ğiraqta äle berençe tapqır ütte.

Köç qullanu bügen dä däwam itte. Bağdadnıñ könyağında ike mäçetkä comğa namazına kilgän sönni möselmannarğa bilgesez keşelär ut açqan, kimendä 2 keşe häläk bulğan, 4se yaralanğan.

Başqaladan tönyaqqa taba 250 çaqrım yıraqlıqta urnaşqan Beiji şähärendä 5 ğiraq xärbie häläk bulğan, 9zı cärähätlär alğan.

Soñğı ike köndä Ğiraqta 3 amerikan xärbie häläk bulğan.
XS
SM
MD
LG