Ufağa Çeçnyä Respublikı Prezidentı Alu Alxanov citäkçelegendäge räsmi wäkillek eş säfäre belän kilde. Anıñ eçendä räsmi dairälärdän tış, Çeçnyä Respublikınıñ qayber ere şirkätläre başlıqları, ministrlıqlar häm törle oyışmalar citäkçeläre dä bar. Çeçnyä Respublikınnan kilgän xörmätle qunaqlarnı Ufa hawa alanında Başqortstan Respublikı premer-ministrı Rafael Baydäwlätov häm başqa yuğarı citäkçelär qarşı aldı. Çeçnyänıñ räsmi wäkillege «Duslıq poyızdı» digän mäğlümati-mädäni aqsiä qısalarında Ufağa kilüçe çeçennar belän bergäläp, Başqortstan başqalasında öç könlek säfärdä bula. Alu Alxanov, Ufağa kilep töşü belän, hawa alanında jurnalistlarğa birgän äñgämäsendä älege säfärneñ zur ähämiäten bilgeläde häm Başqortstan belän Çeçnyä respublikları arasında härtörle bäyläneşlärne nığıtu kiräklegen assızıqladı.
Comğa irtäsendä Ufağa ikençe ber zur törkem çeçennar wäkillege kilde. Mäğlüm buluınça, Çeçnyädan ber ay elek «Duslıq poyızdı» dip atalğan Bötenrusiä aqsiäsen ğämälgä aşıruçılar yulğa çıqqan ide. Şuşı waqıt eçendä bu wäkillekkä kerüçelär Könyäk Saxalıyn, Vladiwostoq, Çita, İrqutsk, Krasnoyarsk, Çiläbe töbäkläre aşa ütte. İnde menä mädäni-mäğlümati aqsiädä qatnaşuçılar comğa irtäsendä Ufağa kilep citte. Xörmätle qunaqlarnı BR mädäniät häm milli säyäsät ministrı İldus İlişev, Ufa merı Pawel Qaçqayıv häm başqa yuğarı citäkçelär qarşı aldı. Çeçen Respublikı wäkillegenä räsmi dairälär wäkilläre, yazuçılar, jurnalistlar häm sänğät ostaları, şul isäptän kürenekle «Waynax» däwlät ansamble artistları da kerä.
Perronğa töşügä qunaqlarnı, ğädättägeçä, Fäyzi Ğäskärov isemendäge Başqort xalıq biyüläre ansamble artistlarınıñ çığışı belän sälamlädelär. Qunaqlarğa çäkçäk belän qımız täqdim itelde. Annan soñ jurnalistlar öçen qısqaça ğına matbuğat oçraşuı oyıştırıldı. Başqortstan witse-premerı, mädäniät häm milli säyäsät ministrı İldus İlişev qunaqlarnı täbrikläp bolay dide.
(İlişev) Bu Başqortstan witse-premerı, mädäniät häm milli säyäsät ministrı İldus İlişev buldı. Artaban matbuğat oçraşuında cawap süze belän Çeçnyä Respublikı Xökümäte başlığı kiñäşçese İğor' Qolesov çıqtı häm jurnalistlarnıñ qayber sorawlarına cawaplar birde. İğor' Qolesov süzlärençä, Başqortstanda öç könlek säfär däwamında biregä kilgän çeçen wäkillege öçen bik bay räsmi häm mädäni proğramma äzerlängän. «Duslıq häm añlaşu şartlarında ütäçäk härtörle oçraşular ike respublik arasındağı bäyläneşlärne nığıtırğa, iqtisadi xezmättäşlekne arttırırğa mömkinlek birer», – dip belderde İğor' Qolesov. (Qolesov)
Sez Çeçnyä Respublikı Xökümäte başlığı kiñäşçese İğor' Qolesovnıñ fikerlären işettegez. Başqortstanda öç kön däwamında Çeçnyä wäkillege bik küp urınnarda bulaçaq, üzara xezmättäşlek turında söyläşülär alıp baraçaq häm berniçä mädäni çarada qatnaşaçaq. Monıñ şulay bulaçağın säfärneñ berençe köne dä açıq kürsätte. Comğa könne Çeçnyä Prezidentı Alu Alxanov häm anıñ citäkçelegndäge wäkillek Başqortstan Prezidentı Mortaza Räximov belän oçraşıp söyläşülär ütkärde. Annan soñ ike prezident üz respublikları Xökümätläre arasında Üzara xezmättäşlek turındağı kileşüne imzaladı. Moñardan tış Alu Alxanov Ufadağı «Lalä-Tyülpän» mäçetendä baş möfti Tälgät Tacetdin belän, «Duslıq yortı»nda Başqortstanda yäşäwçe çeçennar belän oçraştı häm baytaq qına ere şirkätlärneñ eşçänlege belän tanıştı.
Ufağa kilgän çeçennar respublik Milli muzeyenä barıp, anda «Çeçen xalqı şiğriäte» dip atalğan kitaplarnı büläk itte. Ä kiçen Mäcit Ğafurıy isemendäge Başqort däwlät aqädemiä drama teatrında çeçennarnıñ «Waynax» däwlät ansambleneñ Başqortstan sänğät ostaları belän berlektäge zur konsertı kürsätelä.
Şimbä könne Çeçnyä respublikı räsmi dairäläre häm «Duslıq poyızdı» aqsiäsendä qatnaşuçı mädäniät, sänğät ähelläre, yazuçılar, jurnalistlar başqa bixisäp çaralarda da qatnaşaçaq, «tügäräk östäl» söyläşüläre oyıştıraçaq, Ufanıñ istälekle urınnarı häm yaña tözeleşläre belän yaqınnan tanışaçaq. «Duslıq poyızdı» Ufadan yäkşämbe könne yulğa çığa häm il başqalasına qarap säfären däwam itä. Älege aqsiä ilneñ tönyäk başqalası Sankt-Peterburgta tämamlanaçaq. Älege ozın häm ozaqqa suzılğan säfärne oyıştıruçılar fikerençä, «Duslıq poyızdı» çaraları küp töbäklärdä yäşäwçelärgä Çeçnyä Respublikı häm çeçennar turında döres mäğlümat birü, törle töbäklär belän härtörle bäyläneşlärne arttıru yünäleşendä zur rol' uynar dip ömetlänä.
Comğa irtäsendä Ufağa ikençe ber zur törkem çeçennar wäkillege kilde. Mäğlüm buluınça, Çeçnyädan ber ay elek «Duslıq poyızdı» dip atalğan Bötenrusiä aqsiäsen ğämälgä aşıruçılar yulğa çıqqan ide. Şuşı waqıt eçendä bu wäkillekkä kerüçelär Könyäk Saxalıyn, Vladiwostoq, Çita, İrqutsk, Krasnoyarsk, Çiläbe töbäkläre aşa ütte. İnde menä mädäni-mäğlümati aqsiädä qatnaşuçılar comğa irtäsendä Ufağa kilep citte. Xörmätle qunaqlarnı BR mädäniät häm milli säyäsät ministrı İldus İlişev, Ufa merı Pawel Qaçqayıv häm başqa yuğarı citäkçelär qarşı aldı. Çeçen Respublikı wäkillegenä räsmi dairälär wäkilläre, yazuçılar, jurnalistlar häm sänğät ostaları, şul isäptän kürenekle «Waynax» däwlät ansamble artistları da kerä.
Perronğa töşügä qunaqlarnı, ğädättägeçä, Fäyzi Ğäskärov isemendäge Başqort xalıq biyüläre ansamble artistlarınıñ çığışı belän sälamlädelär. Qunaqlarğa çäkçäk belän qımız täqdim itelde. Annan soñ jurnalistlar öçen qısqaça ğına matbuğat oçraşuı oyıştırıldı. Başqortstan witse-premerı, mädäniät häm milli säyäsät ministrı İldus İlişev qunaqlarnı täbrikläp bolay dide.
(İlişev) Bu Başqortstan witse-premerı, mädäniät häm milli säyäsät ministrı İldus İlişev buldı. Artaban matbuğat oçraşuında cawap süze belän Çeçnyä Respublikı Xökümäte başlığı kiñäşçese İğor' Qolesov çıqtı häm jurnalistlarnıñ qayber sorawlarına cawaplar birde. İğor' Qolesov süzlärençä, Başqortstanda öç könlek säfär däwamında biregä kilgän çeçen wäkillege öçen bik bay räsmi häm mädäni proğramma äzerlängän. «Duslıq häm añlaşu şartlarında ütäçäk härtörle oçraşular ike respublik arasındağı bäyläneşlärne nığıtırğa, iqtisadi xezmättäşlekne arttırırğa mömkinlek birer», – dip belderde İğor' Qolesov. (Qolesov)
Sez Çeçnyä Respublikı Xökümäte başlığı kiñäşçese İğor' Qolesovnıñ fikerlären işettegez. Başqortstanda öç kön däwamında Çeçnyä wäkillege bik küp urınnarda bulaçaq, üzara xezmättäşlek turında söyläşülär alıp baraçaq häm berniçä mädäni çarada qatnaşaçaq. Monıñ şulay bulaçağın säfärneñ berençe köne dä açıq kürsätte. Comğa könne Çeçnyä Prezidentı Alu Alxanov häm anıñ citäkçelegndäge wäkillek Başqortstan Prezidentı Mortaza Räximov belän oçraşıp söyläşülär ütkärde. Annan soñ ike prezident üz respublikları Xökümätläre arasında Üzara xezmättäşlek turındağı kileşüne imzaladı. Moñardan tış Alu Alxanov Ufadağı «Lalä-Tyülpän» mäçetendä baş möfti Tälgät Tacetdin belän, «Duslıq yortı»nda Başqortstanda yäşäwçe çeçennar belän oçraştı häm baytaq qına ere şirkätlärneñ eşçänlege belän tanıştı.
Ufağa kilgän çeçennar respublik Milli muzeyenä barıp, anda «Çeçen xalqı şiğriäte» dip atalğan kitaplarnı büläk itte. Ä kiçen Mäcit Ğafurıy isemendäge Başqort däwlät aqädemiä drama teatrında çeçennarnıñ «Waynax» däwlät ansambleneñ Başqortstan sänğät ostaları belän berlektäge zur konsertı kürsätelä.
Şimbä könne Çeçnyä respublikı räsmi dairäläre häm «Duslıq poyızdı» aqsiäsendä qatnaşuçı mädäniät, sänğät ähelläre, yazuçılar, jurnalistlar başqa bixisäp çaralarda da qatnaşaçaq, «tügäräk östäl» söyläşüläre oyıştıraçaq, Ufanıñ istälekle urınnarı häm yaña tözeleşläre belän yaqınnan tanışaçaq. «Duslıq poyızdı» Ufadan yäkşämbe könne yulğa çığa häm il başqalasına qarap säfären däwam itä. Älege aqsiä ilneñ tönyäk başqalası Sankt-Peterburgta tämamlanaçaq. Älege ozın häm ozaqqa suzılğan säfärne oyıştıruçılar fikerençä, «Duslıq poyızdı» çaraları küp töbäklärdä yäşäwçelärgä Çeçnyä Respublikı häm çeçennar turında döres mäğlümat birü, törle töbäklär belän härtörle bäyläneşlärne arttıru yünäleşendä zur rol' uynar dip ömetlänä.
