Çeçen respublikasınnan kilgän “Duslıq poyezdı” delegatsiäsendäge yazuçılarnıñ ber törkeme 6 sentäberdä TR nıñ milli kitapxanäsendä qunaqta buldılar. Kitapxanädä yazuçılar, häm söyüçelär qatnaşlığında “Çäçän xalıq poeziäse, XIX-XX ğasırlar” dip atalğan kitapnı täqdir itü kiçäse uzdı. Bu mädäni çaranı TR mädäniät ministrlığınıñ millätara mädäni bağlanışlar bülege oyıştırğan. Kitap, Mäskäwdä rus telendä 3 ay eçendä bastırılğan. Oçraşuda Çeçen respublikasınıñ ilçelek kiñäşçese räise Yevgeniy Sabitskiy, kitapnı näşer itüçe Vadim Raxmanov, tärcemäçe Anatoliy Prelovskiy , häm Çeçen xalıq artistı Mağomed Yasaev çığış yasadılar.
Audio
Oçraşuda TR Yazuçılar soyuzı räise İlfaq İbrahimov alarğa çeçen xalıq fol'klorın tatarlarğa rus tele aşa citkerülärenä räxmätlären belderde. Rus telle Tatarstan yazuçılar soyuzı isemennän , tatar- Pen klubı citäkçese Äxät Muşinskiy çığış yasap, üzeneñ şiğeren uqıdı. Xäzer oçraşuda bulğannardan fikerlär tıñlağız
Audio
Sez, Äxät Muşinskiy, Rifqät Gazizov, Çeçen respublikasınıñ möfti urınbasarı Adis Xatsiev häm ğadi kitapxanäçe fikerlären işettegez. Oçraşuda soñğı süzne TR Milli kitapxanä citäkçese Nail' Kambeev çığış yasap tamaşaçı sorawın citkerde, ämma oçraşuğa kilüçelär çeçen telendä ber kitap ta alıp kilmägännär ide. Ä “Çeçen xalıq poeziäse” dip atalğan kitapnı alar 200 danä kitapxanägä büläk itep qaldırdılar.
Mälikä Basıyr Qazan.
